O‘zbekiston Respublikasi Prezidentining 2017 yil 9 avgustdagi “Oliy ta‘lim muassasalarida pedagogika yo‘nalishida maxsus sirtqi bo‘limlarini tashkil etish to‘g‘risida”gi PQ-3183-son qarorining 3-band 1-qismida oliy ta‘lim muassasalari tarkibida tashkil etilgan maxsus sirtqi bo‘limlarining bakalavriat ta‘lim yo‘nalishlariga qabul o‘rta maxsus, kasb-hunar ma‘lumotiga hamda kamida uch yil pedagogik amaliy ish stajiga ega bo‘lgan, maktabgacha, maktab va maktabdan tashqari ta‘lim muassasalari ehtiyojlari asosida tasarrufida ushbu ta‘lim muassasalari mavjud bo‘lgan vazirliklar va idoralar tomonidan beriladigan tavsiyanomaga ega pedagog kadrlar hisobidan amalga oshirilishi belgilangan. Mazkur qaror ijrosi yuzasidan O‘zbekiston Respublikasi ta‘lim muassasalariga o‘qishga qabul qilish bo‘yicha Davlat komissiyasining 7-son bayoni bilan tasdiqlangan “Oliy ta‘lim muassasalarining pedagogika yo‘nalishlari bo‘yicha maxsus sirtqi bo‘limlariga 2017/2018 o‘quv yili uchun o‘qishga qabul qilish tartibi va mezonlari”ning 3-bob 16-bandiga asosan Komissiyaga abituriyentlar tomonidan taqdim etiladigan hujjatlar tarkibida tegishli vazirlik va idoraning tavsiyanomasi asosida maxsus sirtqi bo‘limiga qabul qilish tartibi belgilangan. Shuningdek, mazkur bayonning 3 bobi, 18-qismiga asosan oliy ta‘lim muassasasi qabul komissiyasi maxsus sirtqi bo‘limlarining bakalavriat ta‘lim yo‘nalishlariga o‘qishga qabul qilishda quyidagi mezonlarga asoslanаdi: - ta‘lim muassasasini tugatganligi haqidagi hujjatning ilovasiga ko‘ra hisoblangan o‘rtacha ball (ballar 3 (uch), 4 (to‘rt), 5 (besh) baho ko‘rinishida belgilanadi); - abituriyent ishlayotgan ta‘lim muassasasining tuman (shahar) markazidan olisligi, joylashgan hududga qarab 2 (ikki) ball qo‘shiladi, shahar (tuman) markazidan uzoq bo‘lmagan hududda joylashgan ta‘lim muassasalariga 0 (nol) ball beriladi; - abituriyentning ish staji 3-5 yilgacha bo‘lganda 1(bir) ball, 6-10 yilgacha bo‘lganda 2 (ikki) ball, 11 yildan ortiq bo‘lganda 3 (uch) ball beriladi. Abituriyentning diplom ilovasi bo‘yicha o‘rtacha bali, ta‘lim muassasasining olisligi va ish stajiga qo‘yiladigan ballar yig‘indisi umumiy balla hisoblanadi.BuxDU Qabul komissiyasi.
