Iqtisodiyotning real sektorida axborot-kommunikatsiya texnologiyalarining keng joriy etilishi korxona va tashkilotlarning ishlab chiqarish hamda boshqaruv samaradorligini oshirishga, biznes jarayonlarni optimalashtirishga xizmat qiladi.Bugungi kunda dasturiy mahsulotlarni yaratish va ularni ishlab chiqarishga tatbiq etish, yoshlarning axborot-kommunikatsiya texnologiyalariga bo'lgan qiziqishini yanada oshirish maqsadida Viloyat Hokimligi, Axborot texnologiyalari va kommunikatsiyalarini rivojlantirish vazirligi viloyat hududiy boshqarmasi, Buxoro davlat universiteti, Buxoro muhandislik-texnologiya instituti bilan hamkorlikda joriy yilning 18 iyul kuni Buxoro davlat universitetida “Talaba va o'qituvchilar tomonidan yaratilgan dasturiy ilovalarni ishlab chiqarishga tatbiq etish” mavzusida ko'rgazma tashkil qilindi. Ushbu ko'rgazmada viloyatning 200 ga yaqin korxona va tashkilotlari ishtirok etdi. Mazkur ko'rgazma ishlab chiqaruvchi korxona va tashkilotlar bilan dasturiy mahsulot ishlab chiqaruvchilarning hamkorligini yo'lga qo'yish va yoshlarni axborot-kommunikatsiya texnologiyalariga qiziqishini yanada kuchaytirish maqsadida tashkil qilindi.Ayniqsa tadbirda kasb-xunar kollejlari va umumta'lim maktablarining informatika fani o'qituvchilari, iqtidorli talaba va o'quvchilari faol ishtirok etib, ishlab chiqilgan dasturiy mahsulotlarga qiziqishining yuqoriligi namoyon bo'ldi. Ko'rgazmada faol ishtirok etgan dasturchilar faxriy yorliqlar bilan taqdirlandi.
