Buxoro davlat universitetida "Turizm ta’limi beruvchi oliy ta’lim muassasalari rektorlari forumining ochilish marosimi boshlandi.
Unda 11 ta oliygoh— Toshkent davlat sharqshunoslik universiteti, O’zbekiston xalqaro islom akademiyasi, Buxoro davlat universiteti, O’zbekiston Milliy universiteti, Toshkent shahridagi Singapur menejmentni rivojlantirish instituti, Toshkent davlat iqtisodiyot universiteti, Toshkent davlat transport universiteti, Andijon davlat chet tillari instituti, Samarqand iqtisodiyot va servis instituti, Urganch davlat universiteti, “Ipak yo’li” turizm va madaniy meros xalqaro universiteti rektorlari, prorektorlari, turizm sohasi mutaxassislari ishtirok etishmoqda.
Ushbu birdamlik forumi Prezidentimiz Shavkat Mirziyoyevning joriy yil 26-apreldagi “Respublikaning turizm salohiyatini jadal rivojlantirish hamda mahalliy va xorijiy turistlar sonini oshirishga doir qo‘shimcha chora-tadbirlar to‘g‘risida”gi qarorida belgilangan vazifalar ijrosi doirasida sa’y-harakatlarni birlashtirish, erishilgan natijalarni o‘rtoqlashish, turizm sohasida ilmiy tadqiqotlar, professor-o‘qituvchi va talaba almashinuvi kabi masalalarda fikr almashish hamda buning uchun doimiy faoliyat ko‘rsatuvchi muhokama platformasini tashkil qilish maqsadini ko`zlagan.
