Buxoro davlat universitetida O’zbekistonda xizmat ko’rsatgan xalq ta’limi xodimi Hamid G’ulomovich Ne’matov xotirasiga bag’ishlangan respublika ilmiy-amaliy anjumani bo’lib o’tdi. Unda Andijon, Samarqand, Toshkent, Farg’ona, Qashqadaryo va boshqa viloyatlarning ilmiy-o’quv maskanlaridagi etuk tilshunos olimlar va tadqiqotchilar hamda nafaqadagi olimlar ishtirok etdi. Xotira kechasida Samarqand davlat universiteti professori S.A.Karimov, Qo’qon davlat pedagogika instituti professori O.Bozorov, Toshkent DO’TAU professori B.R.Mengliev, Andijon davlat universiteti professori Sh.Shahobid-dinova, Qo’qon davlat pedagogika instituti dosenti I.Madrahimov hamda universitet professorlari S.Inoyatov, M.Mahmudov, dosentlar Sh.Boltaev, S.Nazarova, M.Abuzalovalar H.G’.Ne’matov faoliyati haqida nutq so’zla-dilar. Rus turkiyshunoslari akademik A.N.Kononov, prof. S.N.Ivanovlardan saboq olgan ustoz mustaqillik davrida respublikamiz tilshunosligi va ona (o’zbek) tili ta’limi yangilanishining yalovbardori bo’ldi. Ustoz o’z davriga kelib jadid namoyondalari orzu qilgan milliy til grammatikasini yaratishga muvaffaq bo’ldi. Maorif sohasida umumiy o’rta ta’lim, oliy ta’lim uchun o’zbek millatining ruhi singdirilgan darslik, o’quv qo’llanmalar yaratdi.H.G’.Ne’matov ellikka yaqin doktorlik va nomzodlik dissertasiyalarini himoyaga chiqarib, ilm-u tajribasini mamlakatimizning iqtisodiy qudratini mustahkamlashga, madaniy yuksalishiga munosib hissa sifatida qo’sha oldi.Xotira kechasida tilshunos olim hayoti va faoliyati aks ettirilgan videorolik va lisey hamda universitet talabalarining sahna namoyishlari taqdim etildi.