2017 yil – “Xalq bilan muloqot va inson manfaatlari yili” munosabati bilan O’zbekiston Respublikasi Bosh vazirining topshirig’i asosida vazirlik Ishchi guruhi shakllantirilib, Buxoro viloyatida istiqomat qiluvchi aholining huquq va erkinliklarini o’rganish maqsadida ochiq muloqotlar tashkil etib kelinmoqda. Mazkur Ishchi guruh tomonidan rejalashtirilgan jadval asosida joriy yilning 17 mart kuni 400 nafar universitet professor-o’qituvchi va talabalari bilan ochiq muloqot o’tkazildi.Ochiq muloqotda O’zbekiston Respublikasi Ichki ishlar Vazirligi akademiyasi katta o’qituvchisi R.N.Raxmonov, O’zR OO’MTV mutaxassisi B.Q. Amanturdiyev, Buxoro shahar IIB boshlig’i o’rinbosari M.Q. Oripov, Buxoro shahar IIB XOOB katta inspektori A.X. Zohidov, Buxoro viloyati oila markazi boshlig’i G.I. Toirova, Toshkent irrigasiya va meliorasiya instituti Buxoro filiali xotin-qizlar qo’mitasi raisi X. To’xtayeva, Buxoro viloyati hokimligi, IIB hamda Buxoro shahridagi turli tashkilotlar vakillari, universitet ma’muriyati hamda Ma’naviyat va ma’rifat bo’limi xodimlari ishtirok etdi. Ochiq muloqotda talaba-yoshlar va professor-o’qituvchilar tomonidan Ishchi guruh a’zolariga yozma va og’zaki taklif va murojaatlar qilindi.
