Bugun Buxoro davlat universiteti Filologiya fakulteti navbatdagi karyera kuni manzili bo’ldi. Fakultetda bitiruvchi talabalar uchun tashkillashtirilgan"Yoshlar - yangi O'zbekiston kelajagi" nomli karyera kuni quvonchli hodisa sifatida qarshilandi.
Xalq ta’limi viloyat , shahar, tuman boʻlimlari, Yozuvchilar uyushmasi Buxoro viloyat bo'limi, Jurnalistlar uyushmasi Buxoro viloyat bo'limi, Rus madaniyat markazi, fors-tojik madaniyat markazlari, xususiy maktablar va Buxoro teleradiokompaniyasi hamkorligida o’tkazilgan karyera kunida fakultetning 400 nafardan ortiq bitiruvchi talabalari ishtirok etdi.
Hamkorlar tomonidan 305 ga yaqin vakansiya e'lon qilindi. 41 nafar talaba shu kunning o`zidayoq shartnoma imzolashga erishdi. Shuningdek, amaliyot olib borish bo'yicha 70 dan ortiq talaba bilan kelishuv amalga oshirildi.
Ma’lumot o’rnida aytish joizki, bugungi kunda filologiya fakultetida 7 ta kunduzgi ta’lim, 2 ta kechki ta’lim, 5 ta magistratura va 2 ta doktorantura yo’nalishi mavjud. Fakultetda 1962 ta talaba tahsil oladi. Ularning 579 nafari esa bitiruvchilardir.
Sevinch Berdiyorova,
FIlologiya fakulteti Axborot xizmati va jamoatchilik bilan aloqalar yo`nalishi talabasi