Dastlab Turkiyadan tashrif buyurgan Ilyasbey (Varnet qishloq xõjaligi akademiyasi investori) shirkatda olib borilayotgan ishlar va kelajakdagi rejalar to`g`risida umumiy ma'lumotlar taqdim etdi.
Shundan so`ng amaliy va sayyor darslar boshlandi. Biotexnologiya va oziq-ovqat xavfsizligi kafedrasi o`qituvchisi E.B. Jalolov talabalarga shirkatda, butun dunyoda INVETRO laboratoriyasi 5 ta va shu 5 ning bittasi aynan shu yer ekanligi hamda bu laboratoriyaning asl mazmun mohiyati va vazifalari haqida to`liq ma'lumot berdi.
Ta`kidlash joizki, shirkatning INVETRO laboratoriyasi bir yilga 60 mln dona ko`chat yetishtirish imkoniyatiga ega. Kelajakda laboratoriyani yanada kengaytirish maqsadlari qo`yilgan.
Akademiyada 4 yarusli issiqxona tizimi maksimal darajada faoliyat yuritib kelyapti. Bunda 1-yarus baliq, 2-yarus limon, 3-yarus pomidor, 4-yarus qulupnay, hozirgi kunda ko`p yarusli issiqxona O`zbekistonda yagonaligicha qolmoqda.
Shundan so`ng talabalarga akademiyadagi o`simliklar xilma-xilligi va ularda uchraydigan kasalliklar hamda bu kasalliklarni davolash, oldini olish, karantin chora-tadbirlari to`g`risida BuxDU dotsenti Sh. To`xtayev batafsil ma'lumotlar berdilar.
Ayni paytda ushbu qishloq xo`jaligi akademiyasida fakultetning 10 dan ortiq bitiruvchi yoshlari ish bilan ta`minlangan.
Kelajakda ushbu shirkat bilan o`zaro hamkorlikni yanada kengaytirish kabi maqsad sari izlanishlar olib borilyapti.
