Toshkent shahar jamoasi 26-28 may kunlari Farg’onada bo’lib o’tgan «Universiada-2016» respublika sport o’yinlari medallarining eng ko’pini qo’lga kiritgan holda birinchi o’rinni egalladi. Bu haqda O’zA habar qildi.G’oliblar yuksak mukofot — O’zbekiston Prezidenti Islom Karimovning «Universiada-2016» sport o’yinlari ishtirokchilariga tabrigining asl nushasi va Prezident sovg’asi — Damas avtomobili bilan taqdirlandi. Umumjamoa hisobida ikkinchi va uchinchi o’rinlarni egallagan Farg’ona va Samarqand viloyatlari jamoalariga ham Prezident sovg’asi — Damas avtomobillari topshirildi.Ettinchi Universiadaning yopilish marosimi Farg’ona shahridagi «Istiqlol» stadionida bo’lib o’tdi. Ochilish marosimida bo’lgani kabi, yopilish tadbirida ham O’zbekiston bosh vaziri Shavkat Mirziyoev ishtirok etdi.Universiada musobaqalari 15 sport turi — basketbol, boks, voleybol, gandbol, dzyudo, engil atletika, og’ir atletika, stol tennisi, suzish, taekvondo (WTF), tennis, futbol, shahmat, erkin va yunon-rum kurashi bo’yicha tashkil etildi.Navbatdagi Universiada Samarqandda bo’lib o’tadi. Ushbu shahar talabalar sport o’yinlarini 2004 yilda ham qabul qilgan edi.Bunga qadar Universiada Namangan (2000 yil), Buxoro (2002 va 2013), Toshkent (2007) va Andijonda (2010) ham bo’lib o’tgan.manba: gazeta.uz
