Buxoro olimpiya va paralimpiya sport turlariga tayyorlash markazining sport majmuasida turon yakkakurashi bo'yicha "Osiyo kubogi" musobaqasi o'z yakuniga yetdi.
Unda bosh murabbiy R.Shukurov boshchiligida Buxoro davlat universiteti talabalari ham munosib ishtirok etdi.
Bahslar so'ngida Jismoniy madaniyat fakulteti 3-bosqich talabasi Nargiza Jo'rayeva 70 kg vazn toifasida g'olib bo'lib, oltin medalni qo'lga kiritdi hamda 2023-yil Dubayda bo'lib o'tadigan Jahon chempionatiga yo'llanmani qo'lga kiritdi. Fakultetning yana bir 3-bosqich talabasi Dilnoza Jo'rayeva 65 kg vazn toifasida 3-o'rinni egallab, bronza medalini qo'lga kiritdi.
Universitet jamoasi talabalar hamda ularning yaqinlari, ustozlarini ushbu nufuzli musobaqada qo'lga kiritgan yutuqlari bilan tabriklab, o'qish va sportdagi faoliyatlariga muvaffaqiyat tilab qoladi.
