Katta ilmiy xodim-izlanuvchisi O.A.Klichevning “Iqtidorli yoshlarni qo’llab quvvatlash o’tmish va kelajak chorrahasi” nomli ilmiy loyihasi Respublika bosqichida tan olindi. Katta ilmiy xodim-izlanuvchisi O.A.Klichevning “Iqtidorli yoshlarni qo’llab-quvvatlash o’tmish va kelajak chorrahasi” nomli ilmiy loyihasi Respublika bosqichida akademik va fan doktorlar tomonidan e’tirof etildi. 2017 yil 12-13 yanvar kunlari Toshkent shahrida “XXI asr – intellektual avlod asri” shiori ostida yosh olim va talabalarning respublika ilmiy-amaliy konferensiyasi o‘tkazildi. O‘zbekiston Respublikasi Prezidentining “Iste’dod” jamg‘armasi, Oliy va o‘rta maxsus ta’lim vazirligi, Fanlar akademiyasi, Fan va texnologiyalarni rivojlantirishni muvofiqlashtirish qo‘mitasi, “Kamolot” yoshlar ijtimoiy harakati tashabbusi va hamkorligida o’tkazilgan konferensiyada respublikamizning barcha hududlaridan tashrif buyurgan yosh olim va talabalar ishtirok etdilar. Konferensiyaning o‘z ishini “Ijtimoiy-gumanitar fanlar”, “Tabiiy fanlar”, “Aniq fanlar”, “Texnika fanlari” sho‘balarida respublikamizning yetakchi akademik va fan doktorlari moderatorliklarida 120 dan ortiq yosh olimlar va talabalarning chiqishlari muhokamalarga boy bo‘ldi. Buxoro davlat universiteti Tarix kafedrasi katta ilmiy xodim-izlanuvchisi Oybek Klichevning “Iqtidorli yoshlarni qo’llab quvvatlash: o’tmish va kelajak chorrahasi” deb nomlangan va ilmiy jihatdan asoslangan loyihasi O’zbek tili va adabiyoti ilmiy tadqiqot instituti professori akademik B.Nazarov va professor N.Jo’rayev, professor S.Otamurodov, professor Z.Qurbonovlar tomonidan “Ijtimoiy-gumanitar fanlar” sho’basining eng yaxshi maruzasi sifatida e’tirof etildi. Natijada O.Klichevning loyihasi ilmiy amaliy konferensiyaning Respublika bosqichida I- o’rinni egalladi va I darajali diplom bilan taqdirlandi.BuxDU ma’muriyati va pedagogik xodimlari Oybek Klichevni ilmiy izlanishlari natijasida erishilgan ushbu yutuq bilan tabriklaydi.[widgetkit id=86]
