Hozirda Buxoro davlat universitetining 21 nafar professor-o‘qituvchilari stajirovka, malaka oshirish hamda Qozon xalqaro lingvistik sammitida ishtirok etish maqsadida KFUning Filologiya va madaniyatlararo kommunikatsiya, Matematika-mexanika va Butlerov nomidagi ximiya institutlarida bo‘lib turishibdi.
14-16 noyabr kunlari delegasiya a’zolari Qozon xalqaro lingvistik sammiti bo‘lib o‘tdi. Unda dunyoning 27 ta davlatidan tilshunos, adabiyotshunos olimlar va yuqori martabali mehmonlar qatnashdi. Jumladan, o‘zbek tili va adabiyoti kafedrasi professorlari D.S.O‘rayeva, D.X.Quvvatova, D.Z.Rajabov, rus tilshunosligi kafedrasi mudiri, f.f.f.d. (PhD) O.T.Nosirov, ingliz tilshunosligi kafedrasi katta o‘qituvchisi, f.f.f.d. (PhD) M.H.Niyazova, rus tilshunosligi kafedrasi 2-bosqich magistranti B.R.Muxammedovalar anjumanning turli seksiyalarida ma’ruza qilishdi. Shu bilan birga 11 nafar delegatsiya a’zolari Filologiya va madaniyatlararo kommunikatsiya institutining raqamli texnologiyalar EDU TECH markazida, 4 nafar professor-o‘qituvchi Butlerov nomidagi Ximiya institutida, 1 nafar tadqiqotchi Matematika-mexanika institutida malaka oshirish kurslari va stajirovkalarni o‘tashni boshladilar.
Qozon xalqaro lingvistik sammit doirasida filolog bo‘lib o‘tgan uchrashuvlarda MAPRYAL prezidenti, Rossiya prezidentining til siyosati bo‘yicha maslahatchisi V.I.Tolstoy, A.S.Pushkin nomidagi rus tili va adabiyoti davlat instituti professori V.I Karasik, M.V.Lomonosov nomidagi Shimoliy (Arktik) federal universiteti professori A.M. Polikarpov, Moskva davlat lingvistik universitetining professori O.K.Irisxanovalar bilan filolog olimlarimiz ilmiy sohada o‘zaro hamkorlik masalalarida davra suhbatlarida faol ishtirok etishdi.
