Buxoro davlat universiteti 32 ta davlatda 55 ta tarmog'i mavjud bo'lgan Fransiyaning Vatel mehmonxona va turizm oliy maktabi bilan hamkorlik qilib kelmoqda va hamkorlik doirasida Marco Polo xalqaro mobillik dasturi, amaliyot va yozgi kemping dasturlari amalga oshirilib kelmoqda. Ushbu dasturlar doirasida 18.08.2022 dan 19.09.2022 gacha BuxDU & Vatel talabalari Malayziyaning "City" universitetining Vatel bilan hamkorlikdagi dasturida yozgi amaliyot dasturini muvaffaqiyatli tamomladilar. Talabalar BuxDU & Vatel koordinatori va oʻqituvchi Nigina Fuzaylovaning rahbarligida pazandalik, xizmat koʻrsatish, Malayziya turizmi va madaniyati boʻyicha professional bilimlarga ega boʻlishdi. Talabalar ta'lim tizimidagi farqlarni va amaliy tajribalarini tahlil qildilar.
Ular "City" universitetining Aida kafesida amaliyot o'tab Malayziyaning "City" universiteti darslarida qatnashdilar. BuxDU & Vatel talabalari o'z dasturlari yakuniga ko'ra malaka oshirish sertifikatlariga ega bo'lishdi. Bunday imkoniyatlar yaratib bergani uchun Buxoro davlat universiteti rektori Obidjon Xamidov, Qo‘shma ta'lim dasturlarini muvofiqlashtirish bo‘limi boshlig‘i Olim Rahimov, Vatel & Malaysia kordinatori Datin Juli Puteri hamda Fransiyaning "Vatel Group" kompaniyasiga hamkorlik uchun alohida minnatdorchilik bildiramiz.
