Mamlakatimiz mustaqilligining chorak asrlik to’yi munosabati bilan viloyatimizda tashkil etilgan "Biz — buyuk yurt farzandlarimiz!" festivali 16 aprelda nihoyasiga etdi. Ko’klamning seryog’in, fayzu barakali damlarida respublikamizdagi boshqa qator hududlarda bo’lganidek, qadim vohamizni ham qamrab olgan ushbu ulkan ayyom qalblarga olam-olam quvonch olib kirdi, yuraklarni nurga to’ldirdi.Ayni shu chog’larda keksa-yu yosh ko’nglidan shu aziz diyorda qaror topgan tinchlik, osudalik, farovonlik, xotirjamlikka nisbatan shukrona tuyg’ulari o’tgan bo’lsa, ajab emas."Buxoro" sport majmuasida festivalning yakunlovchi gala-kontserti bo’lib o’tdi. Tadbirni ochib bergan viloyat hokimi, Oliy Majlis Senati a’zosi Muhiddin Esanov barchani mazkur ayyom bilan qutlarkan, quyidagi fikrlarni aytib o’tdi:—Yurtboshimiz "Har qaysi davlat, har qaysi millat avvalo o’z farzandlari qiyofasida, unib-o’sib kelayotgan yosh avlod timsolida shu xalqqa xos xususiyat va fazilatlarni namoyon etadigan, uning azaliy orzu-intilishlarini ro’yobga chiqaradigan buyuk kuchni ko’radi", deya ta’kidlagan edi. Bugun "Biz — buyuk yurt farzandlarimiz!", degan ezgu shior ostida birlashib, o’zlarining jamiyatdagi faolliklari, iqtidor va bilimlarini namoyish etayotgan o’g’il-qizlarimiz timsolida buyuk yurtning ertangi yorug’ kelajagi egalarini ko’rib turibmiz. Albatta, yoshlarimizga qaratilgan bu kabi yuksak e’tibor va g’amxo’rlik uchun viloyatimizdagi barcha yoshlar va ota-onalar nomidan davlatimiz rahbariga o’z tashakkurimizni izhor etamiz.O’z navbatida "Kamolot" YoIH Markaziy kengashi raisining birinchi o’rinbosari Feruza Muhamedjanova so’zga chiqib, festivalning yuksak darajada tashkillashtirilgani uchun viloyatimiz rahbariyatiga minnatdorchilik bildirdi. Shundan keyin estradamiz yulduzlari ishtirokida maftunkor qo’shiqlar yangradi. Ijrochilar safida Sobir hamda Ro’zimuhammad Mo’minovlar, Yulduz Turdieva, Farhod Saidov, Mashhurbek Rayimjonov, Shahnoza Otaboeva, Ali Niyazmbetov, Jahongir Poziljonov, Diyorbek Mahkamov, Hilola Hamidova, "Mango" guruhi va boshqalarni ko’rish mumkin edi.Manba: buxoro.uz
