Buxoro davlat universiteti faollar yig`ingohida O‘zbekiston Respublikasi Prezidentining 2022-yil 15-iyundagi “2022/2023-o‘quv yili uchun davlat oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida”gi F-60 sonli farmoyishi bo‘yicha viloyat oliy ta’lim muassasalari qabulida o‘zgarishlar hamda universitetda kasbiy (ijodiy) imtihonlar o‘tkazilishi yuzasidan matbuot anjumani bo`lib o`tdi.
Matbuot anjumanida Buxoro davlat universiteti rektori Obidjon Xamidov, O‘quv ishlari bo‘yicha prorektori Rustam Jumayev, Xalqaro hamkorlik bo‘yicha prorektori Abror Jo‘rayev, Moliya va iqtisod ishlari bo‘yicha prorektori O‘. Rashidov, bo‘lim boshliqlari, universitet Matbuot kotibi Sobitjon Xalilov, bir qator jurnalist va blogerlar ishtirok etdilar.
Anjuman avvalida Buxoro davlat universiteti rektori so‘zga chiqib, matbuot anjumanini ochib berdi. Buxoro davlat universitetida amalga oshirilayotgan ishlar, oliygohning ilmiy salohiyati, kafedralar faoliyati, olinayotgan natijalar hamda kelgusidagi vazifalar haqida batafsil ma’lumot berildi.
Bugungi kunda BuxDUda 23630 nafar (2021-yilda 24634 nafar) talaba tahsil oladi. Ularning 22762 nafari bakalavriat, 868 nafari magistratura (2021-yilda 23329 nafari bakalavriat, 1305-nafari magistratura) bosqichida tahsil olib, ularning 15829 nafari (2021 yilda 16517 nafar) bakalavriat kunduzgi, 5811 nafari (2021 yilda 5040 nafar) sirtqi, 1169 nafari (2021 yilda 766 nafar) kechki, 821 nafari (2021 yilda 1006 nafar) 2-mutaxassislik, hamda 868 nafari (2021 yilda 1305 nafar) magistratura bosqichida o‘qimoqda. Xorijiy talabalarning umumiy soni 19 (2021-yilda 288-nafar) nafarni tashkil etadi. (2022/20232-o‘quv yilida 2-mutaxassislik qabuli kiritilmagan)
Universitetda 904 nafar (2021-yilda 872 nafar) professor-o‘qituvchi, jumladan, 50 nafar (2021-yilda 48 nafar - 5,5%) fan doktorlari, professor (5,5%), 240 nafar (2021-yilda 217 nafar – 24,8%) fan nomzodi, falsafa doktori, dotsent (26,4%) va 614 nafar (2021 yilda 628 – 69,7%) o‘qituvchilar (68,1%) faoliyat yuritadi. Ilmiy salohiyat 32,1 (2021 yilda 30,3%) foiz.
2022/2023-o‘quv yili qabulida abituriyentlarga qulayliklar yaratish maqsadida oliy ta’lim muassasalariga kirish sinovlarida ishtirok etish uchun ro`yxatdan o`tish jarayoni Yagona interaktiv davlat xizmatlari portali (my.gov.uz) va Davlat test markazining (my.dtm.uz) rasmiy veb-sayti orqali onlayn tarzda 2022 yil 27-iyul kunlari amalga oshirildi.
2022/2023-o‘quv yili uchun o‘qishga qabul qilish parametrlari bo‘yicha Buxoro davlat universitetida 3754 nafar (659 nafar grant, 3095 nafar to‘lov-kontrakt asosida) talabani o‘qishga qabul qilish rejalashtirilgan.
a) bakalavrlar tayyorlash bo‘yicha - 3370 nafar:
kunduzgi ta’lim shakliga – 62 ta (+9) ta’lim yo‘nalishi bo‘yicha 2105 nafar;
sirtqi ta’lim shakliga – 25 ta (+9) ta’lim yo‘nalishi bo‘yicha 780 nafar;
masofaviy ta’lim shakliga – 2 ta (+2) ta’lim yo‘nalishi bo‘yicha 100 nafar;
kechki ta’lim shakliga – 15 ta (+4) ta’lim yo‘nalishi bo‘yicha 385 nafar;
b) magistrlar tayyorlash bo‘yicha – 41 ta (+10) mutaxassislik bo‘yicha 384 nafar.
Buxoro davlat universitetida tashkil etilgan qabul komissiyasi 2022-2023 o‘quv yili uchun yakuniy natijaga ko`ra bakalavriatning kunduzgi, sirtqi hamda ikkinchi oliy ta’lim yo`nalishlari bo‘yicha jami 2 500 dan ziyod murojaatlarni qabul qildi.
20-iyundan 27-iyul sanasiga qadar davom etgan mazkur qabulda eng ko‘p murojaatlar onlayn ro‘yxatdan o‘tish tartibi, ikkinchi va undan keyingi oliy ma’lumot olish va 5 yillik ish stajiga ega bo‘lganlarning o‘qishga qabuli bo‘yicha kelib tushgan. Onlayn hujjat topshirishda muammoga duch kelgan abituriyentlarga doimiy ravishda maslahatlar berib borildi.
2022/2023-o‘quv yili sport sohasi bo‘yicha alohida iqtidor talab etiladigan 10 ta ta’lim yo‘nalishi bo‘yicha 255 nafar (kunduzgi-95 nafar, sirtqi-95 nafar, kechki-65 nafar), shuningdek, Jurnalistika: bosma ommaviy axborot vositalari jurnalistikasi (kunduzgi-40 nafar, sirtqi-25 nafar), Axborot xizmati va jamoatchilik bilan aloqalar (kunduzgi-25 nafar, sirtqi-25 nafar) ta’lim yo‘nalishlariga qabul kvotasi shakllantirilgan. www.buxdu.uz rasmiy veb-saytda imtihon dasturlari, abitiruyentlarning imtihon topshirish kunlari, internet orqali www.camera.buxdu.uz veb-sayti translyasiya qilish imkoniyatlari yaratildi.
Kasbiy (ijodiy) imtihon o‘tkaziladigan 12 ta ta’lim yo‘nalishida 870 nafar abituriyentlar ro‘yxatdan o‘tgan. Kasbiy (ijodiy) imtihonlarni o‘tkazish jadvali ishlab chiqildi va imtihon o‘tkazish komissiyalari tarkibi shakllantirilgan.
30-iyun holatida Ikkinchi va undan keyingi oliy ma’lumot olish bo‘yicha 9 ta ta’lim bo‘yicha ta’lim yo‘nalishida 457 nafar fuqaro ro‘yxatdan o‘tgan.
27 nafar ko‘zi ojiz abituriyent ro‘yxatdan o‘tgan bo‘lib, imtihon dasturlari universitet rasmiy veb-saytga joylashtirilgan. Umumiy nogironligi bo‘lgan abituriyentlardan 173 nafari ro‘yxatdan o‘tgan.
41 ta magistratura mutaxassisliklari bo‘yicha 366 nafar qabul kvotasi tasdiqlangan bo‘lib, 372 ta arizalar tushgan.
Texnikumlardan suhbat asosida qabul qilinadigan talabgorlardan 203 ta arizalar qayd etilgan.
Anjumanda so`zga chiqqan Xalqaro hamkorlik bo`yicha prorektori Abror Jumayev BuxDUning xorijiy OTMlar bilan hamkorligi xususida batafsil to`xtaldi.
Darvoqe, bugungi kunda universitetda xorijning 140 taga yaqin oliy ta’lim muassasalari va xalqaro tashkilotlar bilan hamkorlik shartnomalari amal qilmoqda. Shartnomalarning asosiy yo‘nalishi o‘zaro professor-o‘qituvchi va talaba almashish, malaka oshirish va ilmiy stajirovkalarni tashkil etish, qo‘shma ta’lim dasturlarini yo‘lga qo‘yish kabilarni qamrab oladi. Hamkorlik shartnomalari doirasida 2021-2022 o‘quv yili davomida xorijdagi hamkor oliy ta’lim va ilmiy tadqiqot muassasalariga 60 nafardan ortiq professor-o‘qituvchining malaka oshirishi tashkil etildi. Universitetimizda 40 nafardan ortiq xorijlik o‘qituvchilar onlayn va an’anaviy shaklda dars berishdi, turk va ispan tillarini o‘qitish yo‘lga qo‘yildi. 263 nafar xorijlik talaba o‘qishni tugatib, bakalavr diplomlariga ega bo‘lishdi. Talabalarda amaliy ko‘nikmalarni rivojlantirish hamda ish bilan bandliklarini ta’minlash maqsadida 50 nafar talaba “Ish va sayohat” dasturi doirasida Germaniyaga malakaviy amaliyotga yuborildi. Yangi o‘quv yilida ham xalqaro hamkorlik ko‘rsatkichlarini yanada oshirish rejalashtirilgan.
Xalqaro akademik reytinglarda universitet ko‘rsatkichlari yil sayin yaxshilanib bormoqda. Bugungi kundagi holat quyidagicha:
QS reytingida universitet profili yaratilgan bo‘lib, 2023 yilda sohalar bo‘yicha reytinglarga ariza topshiriladi.
Times reytingida universitet profili yaratilgan hamda Impact Rankings-2023 da ishtirok etish uchun ro‘yxatdan o‘tilgan.
Webometrics reytingida Buxoro viloyatida 1-o‘rin, O‘zbekistonda 9-o‘rin, Osiyoda 2420-o‘rin, jahonda 6253-o‘rin, shu jumladan Google Scholar natijalari ko‘rsatkichi bo‘yicha O‘zbekistonda 4-o‘rin, jahonda 2076-o‘rin.
AD Scientific Index (ilmiy soha natijalariga asoslanadi) reytingining turli ko‘rsatkichlari bo‘yicha O‘zbekistonda 4-6 o‘rinlar, Osiyoda 1266-2014 o‘rinlar, jahonda 3691-5753 o‘rinlar oralig‘ida joy egallagan.
Anjuman yakunida jurnalist va blogerlar o`zlarini qiziqtirgan savollariga javob olishdi. Anjumandan so`ng jurnalist va blogerlar call markazi faoliyati, imtihon o`tkaziladigan hududlardagi shart-sharoit bilan yaqindan tanishishdi.
