O‘zbekiston Respublikasi Vazirlar Mahkamasining “O‘zbekiston Respublikasi oliy ta’lim tizimida magistratura faoliyatini yanada takomillashtirish, uning samaradorligini oshirish chora-tadbirlari to‘g‘risida”gi 2007-yil 10-sentabrdagi 190-son qaroriga muvofiq va oliy ta’lim muassasalarida magistrlar tayyorlash samaradorligini oshirish maqsadida Vazirlar Mahkamasining 2015-yil 2-martdagi 36-sonli qaror bilan tasdiqlangan “Magistratura to‘g‘risida”gi Nizom hamda O‘zbekiston Respublikasi oliy va o‘rta maxsus ta’lim vazirligining “Oliy ta’lim muassasalarida talabalar bilimini nazorat qilish va baholash tizimi to‘g‘risida”gi 2018-yil 26-sentabrdagi № 3069-son buyrug‘iga asosan 2021/2022 o‘quv yilida universitetda 31 ta mutaxassislik bo‘yicha 2-kursda tahsil olayotgan 489 nafar magistratura talabalarining ilmiy amaliyot (stajirovka) faoliyati monitoringini o‘tkazish maqsadida universitet rektorining 2022-yil 30-maydagi 84-10-T sonli buyrug’iga asosan ishchi guruhi a’zolari tomonidan tasdiqlangan jadval asosida ikkinchi bosqich magistrlarning ilmiy amaliyot (stajirovka) hujjatlarini tekshirilish ishlari navbatdagi mutaxassisliklarda qizg`in davom etmoqda.
– Ta'lim sifatini oshirish maqsadida universitetimizda keng ko'lamli ishlar olib borilmoqda. Bitiruvchi magistrlarning 15 haftalik ilmiy amaliyot davrida Nizom talabi asosida tayyorlagan hujjatlari monitoringi olib borilmoqda. Ishchi guruhi tomonidan Iqtisodiyot va turizm hamda Tabiiy fanlar fakulteti bitiruvchi magistrlarining ilmiy amaliyot hujjatlari tekshirildi. Har bir magistrantning amaliyot davrida o'rgangan pedagogik mahorati sinovdan o'tkazilib kamchiliklari aytib o'tildi, - dedi Magistratura bo`limi boshlig`i Akmal To`rayev komissiya faoliyati haqida axborot berib.
