Mahalla xotin-qizlar faoli lavozimiga saralangan nomzodlarning faoliyatini samarali va tizimli tashkil etish, talab etiladigan bilim va ko‘nikmalarini shakllantirish va rivojlantirish maqsadida Buxoro shahri va tumani, Kogon shahri va tumani mahallalardagi xotin-qizlar faoli lavozimiga tavsiya etilgan nomzodlar bilan "Xotin-qizlar balansini shakllantirish" yuzasidan uchrashuv bo`lib o`tdi.
Uchrashuv mobaynida O’zbekiston Respublikasi Oila va xotin-qizlar davlat qo'mitasi va Buxoro davlat universiteti o`rtasida o`zaro hamkorlik to`g`risida memorandum imzolandi.
Unga ko`ra, Oila va xotin-qizlar boshqarmasi, bo‘limlari, davlat va nodavlat tashkilotlari xodimlari ishtirokida viloyatdagi mahalla fuqarolar yig‘inlarida vujudga kelgan oiladagi shaxslararo munosabatlar, notinch oilar muammolarining asl sabablarini o‘rganish va ularni bartaraf etish, jamiyatda hozirgi kunda uchraydigan salbiy holatlar, erta turmush, deviant xulq-atvorga ega shaxslar bilan ishlash yuzasidan “Oila tinchligi-jamiyat farovonligi asosi” shiori asosida 2022-yil davomida har haftaning shanba kunini mahallalarda “Ahil oila kuni” deb belgilab, ularga psixologik xizmat ko’rsatish hamda psixokorreksion tadbirlarni olib borish uchun Buxoro davlat universiteti va boshqa oliy ta’lim muassasalaridan 544 ta MFYga tajribali psixologlar biriktirish belgilandi.