O‘zbekiston Respublikasi Vazirlar Mahkamasining 02.03.2015 yildagi 36-son qarori bilan tasdiqlangan “Magistratura to’g’risidagi”Nizomga asosan universitetda 2021/2022 o’quv yilida 31 ta mutaxassislik bo’yicha tahsil olayotgan 490 nafar magistrlarning magistrlik dissertasiya ishlarining dastlabki himoyalari tasdiqlangan jadval asosida boshlandi.
Magistrlarning ikki yil davomida olib brogan ilmiy izlanishlarini va ularning yozgan magistrlik dissertasiya ishini muhokamadan o’tkazish maqsadida universitet rektorining buyrug’iga asosan rector boshchiligida ishchi guruhi tuzildi.
Tasdiqlangan jadvalga ko’ra 2022 yil 18 aprel kuni Xorijiy tillar fakultetining 5A120101 - Adabiyotshunoslik: ingliz adabiyoti, 5A120102 - Lingvistika: ingliz tili, 5A120102 - Lingvistika: fransuz tili mutaxassisliklari bo’yicha 51 nafar magistrlarning magistrlik dissertasiya ishlari muhokamadan o’tkazildi.
Dastlabki himoyani magistratura bo’limi boshlig’i f.-m.f.f.d.,(PhD) dotsent A.A.Turayev ochib berib, barcha magistrlarga omad tiladi. Shundan so’ng ishchi guruhi a’zolari har bir magistrni belgilangan tartibda 5-7 daqiqa vaqt davomida eshitib, dissertasiya ishining tadqiqot ob`yekti va predmeti, ishning maqsadi va vazifalari, mavzuning dolzarbligi, tadqiqot metodlari, bajarilgan ishning asosiy natijalari, tadqiqot natijalarining amaliy ahamiyati va tadbiqi, tadqiqot natijalarining ilmiy jihatdan yangilik darajasini so’rab, dissertasiya ishi yuzasidan savollar berishdi. Ishchi guruhi tomonidan dissertasiya ishidagi mavjud kamchilik ko’rsatib o’tildi va belgilangan tartibda ushbu kamchiliklarni bartaraf etish bo’yicha takliflar berildi.
