Joriy yilning 11-mart sanasida Innovatsion rivojlanish vazirligida bahorgi tijoratlashtirish forumi boshlandi. Forumning asosiy maqsadi tijoratlashtirishga tayyor, ilmiy yakunlangan loyihalarni tarmoq korxonalari hamda hokimliklarga taqdimot qilish hamda potensial loyihalarni moliyalashtirish bo'yicha 4 tomonlama shartnomalarni imzolash hisoblanadi. Forumda universitet ilmiy ishlar va innovatsiyalar bo'yicha prorektori O.S.Qahhorov, ilmiy-innovatsion ishlanmalarni tijoratlashtirish bo'limi boshlig'i O.O.Sayfulloyev, Fizika kafedrasi dotsenti I.I.Rahmatov, Jahon tarixi kafedrasi katta o'qituvchisi B.N.Rizayevlar ishtirok etishdi. Forum doirasida Fizika kafedrasi dotsenti I.I.Rahmatov rahbarligidagi ishlab chiqilgan "Svetoforlarni muqobil energiyasi (quyosh energiyasi) foydalangan holda uzluksiz ishlashini ta'minlash" hamda B.N.Rizayev rahbarligida ishlab chiqilgan "OTMlarda tahsil olayotgan ko'zi ojiz va ko'rishda nuqsoni bo'lgan talabalar uchun tarix fanlaridan mobil o'quv ilovasi yaratish" loyihalari taqdimot qilindi. Ushbu loyihalar hudud muammolariga yo'naltirilgan, dolzarb muammolarni yechimi sifatida forum ishtirokchilarida katta taassurot qoldirdi. Ushbu loyihalarni amalga oshirish hamda moliyalashtirish bo'yicha 4 tomonlama shartnomalar imzolandi. Kuzgi tijoratlashtirish forumida ushbu loyihalar bo'yicha amalga oshirilgan ishlar yuzasidan taqdimotlar amalga oshirilishi rejalashtirilgan.
