2015 yil 5 mayda Filologiya fakulteti xorijiy filologiya ta’lim yo`nalishida «Keksalarni e’zozlash yili» va 9 may «Xotira va qadrlash kuni»ga bag`ishlangan «E’zozlash – buyuk, xotira – muqaddas» nomli fakultetimiz fariylari bilan uchrashuv bo`lib o`tdi. Tadbirda fakultetimizda uzoq yillar faoliyat olib borgan professor – o`qituvchilar taklif qilinib, tashkilotchilar tomonidan tashkil qilingan talabalar ishtirokidagi badiiy – musiqiy chiqishlar va bir piyola choy ustida suhbat o`tkazildi.Tadbirni universitetimiz rektori prof. A.A.Tulaganov kirish so`zi bilan ochib, bayram ishtirokchilarini bayram bilan qizg`in tabrikladi. Taklif qilingan professor – o`qituvchilar (prof. S.S.Saidov, prof. G`.N.Zikrillayev, dots. Z.B.Toshov, dots. Y.B.Nurmurodov, dots. N.B.Baqoyev, dots. M.Q.Abdullayeva, dots. M.H.Olimova va boshqalar) ning tabrik so`zlari va ilmiy - pedagogik faoliyatlarini xotirlab bildirgan fikrlari tadbir ishtirokchilari va talabalarga iliq taassurot qoldirdi. O`z o`rnida tashkilotchilar tomonidan tashkil qilingan talabalar ishtirokidagi badiiy – musiqiy chiqishlar ham mehmonlarga ko`tarinki ruh bag`ishlab ajoyib taassurot qoldirdi. [widgetkit id=59]
