Bugun 24-noyabr Buxoro davlat universitetiga Janubiy federal universiteti rektorining vakolatli vakili Natalya Valerevna Karpovskaya hamda Igor Aleksandrovich Karpovskiy, Ta’lim va ilmiy-innovatsion dastur va loyihalarni qo‘llab-quvvatlash departamenti rahbari Ruben Arturovich Sisuashvili, Sotsiologiya va mintaqashunoslik instituti direktori Andrey Vladimirovich Bedrik, Yer to‘g‘risida bilimlar instituti “Fizik geografiya, ekologiya va atrof-muhit muhofazasi” kafedrasi dotsenti Olesya Vladimirovna Nazarenkolardan iborat Janubiy federal universiteti (Южный федеральный университет) delegatsiyasi tashrif buyurdi.P/S: Janubiy federal universitet – Rossiya Federatsiyasining Rostov shahrida joylashgan. Tarixi 1915-yilda Rostovga ko‘chib borgan Varshava universiteti filialidan boshlanadi. 1930-yilda Rostov davlat pedagogika instituti sifatida qayta tashkil topgan. 2006-yilda bir necha OTMlar birlashishi natijasida Janubiy federal universitet tashkil etilgan.- QS-2022 reytingida 531-540 guruhida.- Times-2022 reytingida 1001+Mehmonlar BuxDUning yangi Axborot resurs markazi bilan tanishishdi. Shundan so`ng, “Islohotlar xalq uchun” markazida rasmiy hamkorlik uchrashuvi tashkil etildi. Uchrashuvni BuxDU rektori Obidjon Xamidov ochib berdi. Unda Rossiya va O’zbekiston o’rtasidagi iliq hamkorlik aloqalari, BuxDU va Rossiya Federatsiyasi OTMlari bilan imzolangan shartnomalar, olib borilgan ishlar va kelajakda amalga oshirilishi mumkin bo’lgan ishlar haqida so`z bordi. Professor-o’qituvchilar va talabalar almashinuv dasturlarini yo’lga qo’yish haqida ikki tomon uchun manfaatli takliflar bildirildi. Shuningdek, JFU tomoni BuxDU huzurida rus tilini o‘rgatish va malakaviy imtihonlarni tashkil qilish markazini ochish taklifini bildirdi. Ayni kunlarda xuddi shu mazmundagi taklif Don davlat texnika universiteti va Sankt-Peterburg davlat universiteti bilan ham muhokama qilinayotganidan kelib chiqqan holda, ushbu taklif o‘rganib chiqilishi ma’lum qilindi. Ikki universitet o'rtasida hamkorlik yo‘nalishlari muhokama qilinib, shartnoma imzolandi.Uchrashuv yakunida BuxDU rektori Obidjon Xamidov tomonidan mehmonlar uchun esdalik sovg`alari ulashildi.Delegatsiya a’zolari universitetdagi markazlar hamda qo`shma dasturlar faoliyati bilan tanishishdi. Mehmonlarga muassasaning binolari, yaratilgan shart-sharoitlar, olib borilayotgan islohotlar, uning bugungi kundagi faoliyati, respublikada tutgan o`rni haqida ma’lumot berildi.BuxDU Xalqaro hamkorlik bo'limi
