Buxoro davlat universiteti va Gunadarma Universiteti bir necha yillar mobaynida hamkorlik olib bormoqda. Joriy yilda “Raqamli turizm” qo’shma ta’lim dasturiining ilk bitiruvchilari o’qishni muvaffaqiyatli yakunlab BuxDU magistrlik diplomlariga ega bo’lishgan edi. BuxDU Gunadarma Universiteti rektori doktor Eko Sri Margianti Xonim tashrifi doirasida universitet Islohotlar xalq uchun markazida tantanali uchrashuv tashkil etildi. Uchrashuvda BuxDU rektori O.X.Xamidov Indoneziya va O’zbekistonning doimiy aloqalari, kelgusida Gunadarma Universiteti bilan reja qilingan hamkorlikda olib boriladigan ishlar haqida nutq so’zladi, va doktor Eko Sri Margiantiga BuxDU Professori unvoni topshirildi. Eko Sri Margianti Xonim qo’shma ta’lim dasturi talabalariga Gunadarma Universiteti diplomlarini topshirdi va BuxDU va Indoneziya o’rtasidagi hamkorlik aloqalari haqida iliq fikrlar bildirildi.BuxDU Xalqaro hamkorlik bo'limi
