Bugungi kunda universitetimizdan 3 nafar professor-o‘qituvchi AQSH universitetlarida malaka oshirishmoqda. O‘z sohalari bo‘yicha tajribani o‘rganish bilan bir qatorda ular o‘zlari malaka oshirayotgan universitet bilan hamkorlik aloqalarini kengaytirish bo‘yicha ham ish olib borishmoqda. Xususan, Shimoliy Alabama universitetida bo‘lib turgan "Turizm va mehmonxona xo‘jaligi" kafedrasi o‘qituvchisi Muhriddin Qilichovning saʼy-harakatlari natijasida mazkur universitet bilan aloqa o‘rnatilgan edi. Bir qancha masalalar bo‘yicha dastlabki kelishuvga erishilganidan so‘ng tomonlar o‘rtasida hamkorlik memorandumini imzolash rejalashtirildi.30-noyabr kuni ushbu hamkorlik memorandumini onlayn ravishda imzolash marosimi o‘tkazildi. Marosimda BuxDU tomonidan rektor Obidjon Xamidov, xalqaro hamkorlik bo‘yicha prorektor Abror Jo‘rayevlar hamda Muhriddin Qilichovlar ishtirok etishdi. Shimoliy Alabama universiteti tomonidan esa universitet prezidenti Kennet Kitts, prorektor Ross Aleksander, xalqaro hamkorlik bo‘yicha ijrochi direktor Chunsheng Jang va ijrochi direktor o‘rinbosari Butler Kain ishtirok etishdi.Shimoliy Alabama universiteti prezidenti K.Kitts o‘z tabrik so‘zida Buxoro davlat universiteti Markaziy Osiyodan hamkorlik shartnomasi imzolangan ilk taʼlim muassasasi ekanligini taʼkidlab, Shimoliy Alabama universitetining Markaziy Osiyodagi asosiy hamkori sifatida qabul qilinganligini bildirib o‘tdi. Rektor O.Xamidov ham ushbu hamkorlikka katta eʼtibor berilishini bildirib, muhokama qilingan rejalarni tezda amalga oshirishga tayyor ekanligimizni maʼlum qildi.Imzolangan hamkorlik memorandumi bir qator umumiy masalalar qatorida akademik va STEM fanlari uchun ingliz tilini o‘qitish borasida hamkorlik, onlayn taʼlim materiallarini ishlab chiqish, qo‘shma magistratura va bakalavriat dasturlarini shakllantirish kabi aniq chora-tadbirlarni ham o‘z ichiga oladi. BuxDU Xalqaro Hamkorlik bo'limi
