O‘zbekiston Respublikasi Vazirlar Mahkamasining 2017-yil 22-maydagi “Oliy ta’limdan keyingi ta’lim tizimini yanada takomillashtirish chora-tadbirlari to‘g‘risida”gi 304-sonli qarori, Oliy va o‘rta maxsus taʼlim vazirligining 2021-yil 22-sentyabrdagi 3/19-4/1-3491-sonli va 2021-yil 27-sentyabrdagi 3/19-27/09-182-sonli xatlari ijrosini ta’minlash maqsadida Buxoro davlat universiteti rektorining 2021-yil 30-sentyabr kuni “2022-yil uchun “Oliy ta’limdan keyingi ta’lim institutiga qabul jarayonini tashkil etish to‘g‘risida””gi 396-U-01-sonli buyrug‘i qabul qilindi. Buyruqqa asosan qabul komissiyasi shakllantirildi hamda qabul komissiyasiga belgilangan talablarga javob beradigan talabgorlarning hujjatlarini yagona elektron tizim (phd.mininnovation.uz) orqali o‘rnatilgan tartibda qabul qilish vazifasi yuklatildi. Ixtisosliklar bo‘yicha tegishli kafedra mudirlari tomonidan Oliy ta’limdan keyingi ta’lim institutiga ajratilgan qabul kvotasi asosida ixtisosliklarga tegishli bo‘lgan fanlardan imtihon dasturi va baholash mezonlari ishlab chiqilib, universitet rasmiy veb-sayti hamda rasmiy telegram kanallariga Nizom talablariga muvofiq 1 oy oldin joylashtirilgan.2021-yil 2-noyabr sanasida universitet rektorining “2022-yilda tayanch doktorantura (PhD), maqsadli tayanch doktorantura (PhD) hamda doktorantura (DSc)ga kirish imtihonlarini tashkil etish va o‘tkazish to‘g‘risida”gi 437-U-sonli buyrug‘i qabul qilingan.Buyruqqa asosan 18 ta ixtisosliklar kesimiga 80 nafar talabgorlarning mutaxassislik va chet (ingliz, nemis, fransuz) tili fanlaridan imtihonlarini tashkil etish maqsadida, universitetning ilmiy salohiyatli professor, fan doktori, dotsent, fan nomzodi hamda falsafa doktorlaridan iborat tarkibda qabul komissiyasi shakllantirilgan.Universitet rahbariyati tomonidan imtihon jarayonlarida komissiya tarkibiga kiritilgan mas’ul pedagog-xodimlarga shaffoflikni ta’minlash, korrupsiya holatlariga va manfaatlar to‘qnashuviga yo‘l qo‘ymaslik, talabgorlarni adolatli va xolisona baholash, bo‘yicha o‘rnatilgan tartibda tegishli ko‘rsatmalar berilgan hamda barcha komissiya a’zolaridan kafolat xatlari olingan.Kirish imtihonlari va suhbat jarayonlari belgilangan jadval asosida 2021-yilning 6-15 noyabr kunlari real vaqt rejimida barcha talabgorlar va jamoatchilik e’tiboriga taqdim etish hamda imtihonda osoyishtalikni ta’minlash maqsadida videokuzatuv ostida to‘gridan-to‘gri https://camera.buxdu.uz/) onlayn translatsiya qilingan va ZOOM platformasida yozib olingan.Imtihon yakuniga ko‘ra talabgorlardan imtihonni o‘tkazish tartibi, baholash natijalari va komissiyaning faoliyati yuzasidan birorta ham shikoyat va murojaat kelib tushmagan va qayd etilmagan. Biroq, 2021 yilning 13 noyabr kuni 07.00.01 - O‘zbekiston tarixi ixtisosligida tayanch doktoranturaga kirish uchun tashkil etilgan imtihon jarayonida ishtirok etgan talabgor Ahmadova Zebiniso Shavkatovna facebook.dagi o‘zining sahifasida “Prezidentimiz tashabbusi ila ishonch bildirgan renessans bunyodkorlarini kamera ostida sahnalashtirilgan obrazlar bilan bunyod etamiz”, “Sal insof bo’lgani ham yaxshida”, “Buxoro davlat universitеti korrupsiya botqog’ida” nomli xabarlarni joylashtirganligi ma’lum bo‘ldi. Universitet Xodimlar bo‘limi bergan ma’lumotga ko‘ra, ushbu talabgor, 2021 yilning 8 oktabr kuni rektorning 1344-01-Ш-sonli buyrug‘iga asosan universitetning “Buxoro tarixi” kafedrasiga o‘qituvchisi lavozimiga qabul qilinganligi aniqlandi. Shuningdek, 07.00.01 - O‘zbekiston tarixi ixtisosligida chet tili fanidan imtihon olish uchun komissiya tarkibiga kiritilgan komissiya a’zolarining yozma murojaatiga asosan, imtihon jarayonida talabgor Ahmadova Zebiniso Shavkatovna komissiya a’zolari tomonidan imtihon topshiriqlari bo‘yicha baholangan hamda talabgorga qo‘yilgan balli bilan tanishtirilgan va imtihon natijalai bo‘yicha yozma roziligi olingan. Komissiya a’zolari tomonidan navbatdagi talabagor chaqirilganda, Ahmadova Zebiniso Shavkatovna imtihon xonasini tark etmasligi, undan keyingi talabgorlarning javob berishini kuzatib turishini ma’lum qilgan. Komissiya a’zolari boshqa talabgorlarga xalaqit bermaslik, tinchlik saqlanishi nuqtai nazaridan imtihon jarayonini real vaqt rejimida to‘g‘ridan-to‘g‘ri (https:// camera.buxdu.uz/) onlayn translatsiya orqali kuzatishi, agarda komissiya a’zolariga e’tirozi bo‘lsa ma’lum qilishi mumkinligi bildirilgan. Ammo, Ahmadova Zebiniso Shavkatovna esa komissiya a’zolariga baland ohangda “Komissiyaning barcha faoliyati sahnalashtirilgan spektakl ekanligi, universitetni korrupsiyaga aylantirgansizlar, rahbariyat xodimlari tomonidan pora olinganligi va asoslovchi hujjatlari mavjud ekanligi, o‘zini Qonunchilik palatasi, yoshlar parlamentiman, universitetdagi har bir hujjat bilan shaxsan tanishib chiqaman, universitetning tartib, qonun hujjatlariga tupurdim, komissiya a’zolariga bosar tusarini bilmaydigan qo‘g‘irchoq va komissiya raisiga mard bo‘ling” deb haqoratomus so‘zlarini aytib, universitet sha’ni, professor-o‘qituvchilari va komissiya a’zolariningqadr-qimmatini tushurishga urungan. Shuningdek, o‘zini baqir-chaqir harakatlari bilan imtihon jarayonini o‘tkazishda salbiy ta’sirini ko‘rsatgan hamda bezorilik harakatlarini davom ettirgan.Komissiya a’zolari universitet yuriskonsulti G.S.Najmiddinovni taklif qilib, ushbu holat yuzasidan ma’lumot berishgan hamda talabgor Ahmadova Zebiniso Shavkatovnaning arzi eshitilgan. Ahmadova Zebiniso Shavkatovnadan korrupsiyaga ta’luqli qanday ma’lumotga ega ekanligi, imtihon jarayonida barcha komissiya a’zolari va talabgorlar ishtirok etayotganligi, barchaning guvohligida shu masalaga oydindik kiritilishi nuqtai-nazaridan aytishi va ko‘rsatishi so‘ralganda, Ahmadova Zebiniso Shavkatovna javobdan qochib, alohida yuristni o‘ziga aytishini ma’lum qilgan. Yuriskonsult G.S.Najmiddinovning xizmat xonasida Ahmadova Zebiniso Shavkatovna imtihon xonasida Buxoro davlat universiteti mansabdor shaxslari bilan bog‘liq vajlar so‘ralganiga, u biror bir asoslovchi dalillarni ko‘rsata olmagan. Yuriskonsult tomonidan tegishli shaxslardan ariza, dalolatnoma va bildirishnomalar olib rasmiylashtirilgan.Buxoro davlat universitei rahbariyati, ushbu imtihon jarayonida tayanch dokoranturaga kirish uchun imtihon jarayonida ishtirok etgan talabgor, Buxoro davlat universiteti “Buxoro tarixi” kafedrasi o‘qituvchisi, Oliy Majlis Qonunchilik palatasi huzuridagi Yoshlar parlamenti a’zosi Ahmadova Zebiniso Shavkatovna ijtimoiy tarmoqdagi xabarlarida Buxoro davlat universiteti va mansabdor shaxslarining shaniga nisbatan obro‘sizlantiruvchi xabarlarni joylashtirganligi, ushbu shaxs tomonidan qilingan tuhmat va aytilgan haqoratli nojo‘ya so‘zlar uchun, unga nisbatan O‘zbekiston Respublikasi ma’muriy javobgarlik to‘g‘risidagi kodeksning 40-41-moddasiga asosan, shuningdek O‘zbekiston Respublikasi “Axborot erkinligi printsiplari va kafolatlari to‘g‘risida”gi Qonunining 13-moddasida belgilangan normalarni buzganligi sababli qonuniy chora ko‘rish maqsadida Buxoro shahar ichki ishlar boshqarmasiga to‘plangan hujjarlar yuborilgan.Oʻzbekiton yoshlar mamlakati. Davlatimiz siyosati ham har tomonlama yoshlarni qoʻllab-quvvatlashga qaratilganligiga barchamiz guvohmiz. 2021-yil yurtboshimiz tomonidan “Yoshlarni qoʻllab-quvvatlash va aholi salomatligi yili” deb eʼlon qilinishi, yurtimiz yoshlariga qaratilgan katta eʼtibor va ishonch namunasi deyish mumkin. Yoshlarimizning porloq kelajagi uchun har sohada keng imkoniyatlar yaratilmoqda. Xususan taʼlim sohasini tubdan yangi bosqichga olib chiqish maqsadida yangi tahrirdagi “Taʼlim toʻgʻrisida”gi qonun qabul qilindi. Soʻnggi besh yil davomida yoshlarni har tomonlama qoʻllab-quvvatlash, ularni komil inson sifatida yetishi uchun zamin yaratildi. Yoshlarga berilayotgan bu eʼtibor, oxir-oqibat, oʻz mevasini bermoqda. Bunga yoshlarimiz xalqaro va respublika miqyosida erishayotgan yutuqlari yaqqol dalildir. Mazkur islohotlarning samarasi oʻlaroq kelajagimiz bunday yoshlar qoʻlida porloq boʻlishiga hech qanday shubha yoʻq. Chunki aynan bugungi yoshlar ertangi kunimizning, Yangi Oʻzbekistonning, Uchinchi Renessansning poydevori hisoblanadi.Shunday imkoniyatlarga javoban, shukronalik bildirmaslik ham oʻquvsizlikning bir koʻrinishidir. “Gurunch kurmaksiz boʻlmaganidek” yoshlarimiz orasida ayrim qoʻshtirnoq ichidagi “bilimli yoshlar” ham uchrab turishi tabiiy hol albatta. Obroʻ-eʼtiborni shakllantirish va mustahkamlash uchun uzoq yillar kerak boʻladi. Uni yoʻqqa chiqarish uchun esa besh daqiqa ham yetarli. Buyuk odamlar hech qachon noshukr boʻlmagan. Yurtimiz ravnaqi yo‘lida uchraydigan bunday noxolisliklarga ko‘z yummasdan ilojimiz yo‘q!Buxoro davlat universiteti Matbuot xizmati
