Talabalik - oltin fasl. Bu davrning qiymati olgan bilimimiz, orttirgan tajribamiz bilan baholanadi. Ayniqsa, bakalavr bosqichidan so'ng ilm yo'lini mahkam tutgan talaba uchun magistratura degan bosqich o'z eshigini ochar ekan, talabalikning sharafi, mas'uliyati, qimmati orta boradi.Ayni kunlarda yoshlar hayotida muhim hisoblangan imtihonlar pallasida kuni kecha Buxoroda davlat universitetida ham magistratura bosqichi uchun qabul imtihonlariga start berildi. Buxoro shahridagi "Dilkusho" sport majmuasida BuxDUning magistratura bosqichida tahsil olish uchun ro‘yxatdan o‘tgan abituriyentlarga mutaxassislik fanlaridan test sinovlari o'tkazildi.Ma'lumot o'rnida aytish joizki, kirish imtihoniga qadar hududiy ommaviy axborot vositalari, ijtimoiy tarmoqlar va rasmiy nashrlar, Buxoro davlat universitetining veb-sayti, telegram kanali orqali yoshlarga sinovga qatnashish tartibi va boshqa zarur ko'rsatmalar berib borildi.Imtihon avvalida qatnashchilarining ijtimoiy masofa saqlagan holda harakatlanishi ta’minlanildi. Joriy yilda qabul kvotasi sezilarli ravishda oshgan. Ushbu test sinovlarida 1-smenada 17 ta yo'nalish bo'yicha va 2-smenada 19 ta yo'nalish bo'yicha 2491 nafar abituriyentlar qatnashishdi. Shundan 708 nafari 8 ta mutaxassislik Buxoro davlat universiteti Pedagogika institutiga, 1783 tasi 28 ta mutaxassislik bo'yicha Buxoro davlat universitetiga hujjat topshirishgan.Imtihonlarni o‘tkazish jarayonini yanada shaffof, ochiq va adolatli o‘tkazish maqsadida internet tarmog‘i orqali jonli efirga uzatish yo‘lga qo‘yilgan bo‘lib, jarayonlar https://imtihon.edu.uz/Buxoro/34 platformasi orqali uzatib borildi. Ushbu jarayonlarga akkreditatsiyadan o'tgan OAV vakillari, blogerlar, jamoatchilik kengashi a'zolari ishtirok etishdi. Test sinovlariga 2 soat vaqt ajratildi. Abituriyentlar test sinovlari bo'lib o'tayotgan hududga tibbiy niqob, abituriyent qayd varaqasi, shaxsni tasdiqlovchi hujjat (pasport) hamda milliy gvardiya, sanitar-epidemiologik xizmat xodimlari tomonidan tekshirilib kiritildi. Magistraturaga kirishni maqsad qilgan yoshlar karantin talablari asosida, hech qanday navbat va rasmiyatchiliklarsiz jarayonni o'tkazdilar. BuxDU Matbuot xizmati
