10-sentyabr kuni Malayziyaning yetakchi oliy taʼlim muassasalaridan biri bo‘lgan Malayziya Boshqaruv va fan universiteti rahbariyati bilan uchrashuv o‘tkazildi. Uchrashuv O‘zbekistonning Malayziyadagi elchixonasi tashabbusi bilan tashkil etildi.Uchrashuvda BuxDU tomonidan rektor O.Xamidov, xalqaro hamkorlik bo‘yicha prorektor A.Jo‘rayev, Xalqaro hamkorlik bo‘limi boshlig‘i H.To‘layeva, Iqtisodiyot va turizm fakulteti dekani D.Yavmutov, MBFU tomonidan birinchi prorektor Ali Xatibi, xalqaro aloqalar ofisi direktori I.Ariffin, direktor o‘rinbosarlari S.Liyana, S.Zubayda, shuningdek Angkasa International QK vakillari ishtirok etishdi. Uchrashuvda O‘zbekistonning Malayziyadagi elchixonasi ikkinchi kotibi E.Saidov moderatorlik qildi.Tomonlar o‘z universitetlari haqida asosiy maʼlumotlarni berib o‘tishganidan so‘ng, o‘zaro hamkorlikda qiziqish uyg‘otadigan yo‘nalishlarda hamkorlik masalalari muhokama qilindi. Malayziya tomoni turizm, iqtisodiyot, tadbirkorlik, informatsion texnologiyalar, moda va dizayn kabi ko‘plab yo‘nalishlarda o‘quv-ilmiy hamkorlik o‘rnatish, ilmiy aloqalarni kuchaytirish, qo‘shma loyihalarni amalga oshirishdan manfaatdor ekanligini maʼlum qildi.BuxDU tomonidan qisqa muddatda qo‘shma ishchi guruh tuzish hamda ustivor yo‘nalishlardagi hamkorlik bo‘yicha yo‘l xaritasini tayyorlash taklifi kiritildi. Yo‘l xaritasi qo‘shma loyihalar qatorida ziyorat turizmini rivojlantirish bo‘yicha Malayziya tajribasini o‘rganish, sanoat dizayni, raqamli marketing sohasidagi hamkorlikni ham qamrab oladi.Tomonlar o‘zaro hamkorlik memorandumi shaklini tayyorlab, uni imzolash bo‘yicha kelishib olishdi.Ma’lumot uchun: Malayziya boshqaruv va fan universiteti QS-2022 reytingida 601-650 guruhida o‘rin egallaydi. MBFU Malayziyaning tadbirkorlik ta’limi bo’yicha en yaxshi xusisiy universiteti hisoblanadi.Talabalari soni 15 ming nafardan ortiq. Universitet veb-sahifasi: https://www.msu.edu.my/?BuxDU Xalqaro hamkorlik bo`limi