2021/2022 o‘quv yili qabulini yuqori saviyada tashkil etish yuzasidan qabul komissiyasi mas’ul kotibi Siyosiy fanlar bo‘yicha falsafa doktori (PhD) R.Gʻ. Jumayev 2021 yil 9 iyul kuni murojaatlar markazi ("Call markaz")ga jalb etilgan xodimlar bilan yig‘ilish o‘tkazdi. Yig‘ilishda 2021 yil 8 iyuldagi Oliy va o‘rta maxsus ta’lim vaziri A.Toshqulov rahbarligida o‘tkazilgan onlayn yig‘ilishdagi topshiriqlar ijrosini bajarish, abityriyentlar va ularning ota-onalarini qiziqtirgan savollarga javob berish uchun Buxoro davlat universitetida haftaning dushanba-shanba kunlari soat 9:00-18:00 gacha ishlaydigan murojaatlar markazi ("Call markaz") faoliyatini samarali tashkil etildi. Abityriyentlar va ularning ota-onalarini qiziqtirgan savollarga huquqiy asoslangan, batafsil ma’lumot berish va murojaatlar markazi ("Koll markaz")ning to‘laqonli ishlashi belgilandi. Qabul komissiyasiga jalb etilgan xodimlar orasida korrupsiyaning har qanday ko‘rinishini bartaraf etish, karantin qoidalariga qat’iy rioya etish, xizmat vazifasini vijdonan va sadoqat bilan bajarishga kelishib olindi.BuxDU Matbuot xizmati