Bugun 1-iyul sanasida Oliy ta’limdan keyingi ta’lim institutida tahsil olayotgan doktorant (DSc) va tayanch doktorantlar (PhD)ning ilmiy faoliyati monitoringi bo`lib o`tdi. Unda doktorantlar va tayanch doktorantlarning ilmiy faoliyati monitoringi olib borilib, tadqiqot yuzasidan nufuzli xalqaro nashrlarda maqolalar va tezislarning chiqarilish darajasi, olib borilayotgan tadqiqotlarning zamonaviy ehtiyojlar bilan nechog`lik bog`lik ekanligi, jamiyatdagi muammolarning yechimi sifatida ilmda o`rin egallay olish-olmasligi, oliy ta’limdan keyingi ta’lim instituti tahsilidagi qator yutuq va kamchiliklar xususida atroflicha fikr bildirildi.Monitoring avvalida BuxDU rektori, professor O.X.Xamidov so`zga chiqdi: – “Korrupsiya – bu jamiyatning korroziyasidir”- nega endi biz ta’lim sohasini korrupsiya qo‘liga berib qo‘yishimiz kerak, nega biz o‘z oilamiz va xalqimizni himoya qilmasligimiz kerak. Ta’lim sohasida korrupsiyaga qarshi keskin choralar ko‘rilyapti, lekin bu yetarli darajada emas. Endilikda, ta’lim tizimidagi kadrlarga e’tibor berishda ularning o‘qigan oliy o‘quv yurti, ustozlari va shaxsiy fazilatlari obdon o‘rganilmog‘i lozim. Shunday qilinsa, ochiqdan-ochiq korrupsiya, tanish-bilishchilik kabi illatlarning oldi ma’lum darajada olingan bo‘lur edi.30-iyun Yoshlar kuni munosabati bilan o`tkazilgan O`zbekiston yoshlari va talabalari forumida qayta-qayta ta’kidlaganlaridek, “O`tda yonmaydigan, suvda cho`kmaydigan bizning eng bebaho boyligimiz bizning bugungi odamlarimizdir.” Darhaqiqat, bugungi kun odamining oldiga qo`yilgan vazifalar, maqsadlar ulkan. Prezidentimiz Shavkat Mirziyoyev raisligida 16 iyun kuni oliy ta’lim tizimining natijadorligi, erishilayotgan erishilgan yutuqlar hamda kelgusidagi ustuvor vazifalarga bag`ishlab o`tkazilgan videoselektorda bir qator topshiriqlar berildi. Shu munosabat bilan kelgusi yilda doktoranturaga kvotalar sonini ko`paytirish masalasi qo`yildi. Har birimiz ilm yo`lidan borar ekanmiz, o`z oldimizga aniq maqsad qo`yishimiz lozim. Ya’ni biz amalga oshirayotgan ilmning jamiyat uchun foydasi bormi, yurtimiz hayotini ijobiy tomonga o`zgartirishga hissa qo`sha olamizmi? Sanoatda, ishlab chiqarishda, ta’lim va ijtimoiy sohalarda olib borilayotgan izlanishlar nechog`lik samarali, degan savollarga, albatta, degan javobimiz bo`lishi kerak. Bugungi kunda BuxDUda 7 nafar doktorant (DSc), 4 nafar stajyor tadqiqotchi, 135 nafar tayanch doktorant (PhD) ilmiy faoliyatini olib bormoqda. Bu juda katta armiya, desak also mubolag`a bo`lmaydi. Kelayotgan o`quv yilida doktorantura bosqichiga o`qishga kirish uchun xorijiy tillarni bilish darajasi so`raladi. Chunki ingliz va rus tillarini bilmaslik natijasida ilmiy izlanishlar uchun juda katta cheklov paydo bo`ladi. Ilmiy adabiyotlardan foydalanish, xalqaro reytingdan o`rin egallagan oliy ta’lim muassasalarining olimlari bilan fikr almashishda muammolar yuzaga chiqadi.Hozirda uchinchi bosqich tayanch doktorantlarimizdan 6 nafari ya’ni X.I. Eshonkulov, Sh.Q. Gulyamova, N.N. Holikova, E.B. Dilmurodov, S.S. Boboyev, N.B. Аdizovalar muddatidan oldin himoya qilgan bo`lsalar, J.J. Jumayev, T.R. Shafiyev, S.F. Аbduraxmonovlar himoya eʼloni chiqqan tayanch doktorant (PhD)lar sirasiga kiradi. Oldimizga qo`ygan bir qator vazifalarimizni tez orada amalga oshirish uchun siz azizlardan shiddat va yuqori salohiyat talab etiladi.Yig`ilish fikr almashish yo`sinida davom etdi.Noorganik kimyo yo`nalishi birinchi bosqich tayanch doktoranti Feruz Umurov so`zga chiqib, joriy yil yakuniga qadar ilmiy mavzusini himoya qilishini ma’lum qildi: “Ilmiy ishim doirasida chiqayotgan chiqindi suvlarini tozalash bo`yicha amaliy ishlarni olib bordim. Va xulosalarimni amaliyotda qo`llab, yetakchi tashkilotlardan ma’lumotnomalar oldim. Galdagi maqsadim shu yilning o`zida ilmiy ishimni yakunlab, uztozlarimning yuzini yorug`qilmoqchiman.”Monitoring yakunida BuxDU Ilmiy ishlar va innovatsiyalar bo'yicha prorektori O.S. Qahhorov so`zga chiqib, berilgan topshiriqlar yuzasidan o`z fikr-mulohazalarini bildirdi: Oldimizga qo`yilgan mas’uliyatli vazifalar xususida birgalikda xulosa chiqardik, degan umiddaman. Bugun hukumatimiz, muhtaram prezidentimiz Sh.M. Mirziyoyev tomonidan oliy ta’lim muassasalarini tizimli ravishda isloh qilishga jiddiy e’tibor qaratilmoqda. Shu e’tiborga nisbatan ziyoli qatlam sifatida “labbay” deya javob bera olishimiz lozim!”Yig`ilish yakunida monitoring asnosida belgilangan rejadan ortda qolayotgan 6 nafar tayanch doktorant ogohlantirildi. Qilinajak ishlar yo`nalishi tuzildi.BuxDU Matbuot xizmatiSobitjon Xalilov olgan suratlar
