Bugun Gretsiyaning O‘zbekistondagi elchisi Yekaterini Nassika boshchiligidagi delegatsiya universitetimizga tashrif buyurdi. Delegatsiya tarkibida elchining madaniy masalalar bo‘yicha maslahatchisi Yevangelos Pelekanos hamda savdo-iqtisodiy masalalar bo‘yicha maslahatchi Afroditi Ikonomu ham bor edi.Uchrashuvda rektor O.Xamidov, prorektor A.Jo‘rayev, xalqaro hamkorlik bo‘limi boshlig‘i H.To‘layeva hamda Tashqi ishlar vazirligi Buxoro hududiy bo‘limi vakili J.Ahmedovlar ishtirok etishdi.Rektor O.Xamidov universitetimiz to‘g‘risida asosiy maʼlumotlarni berib o‘tdi. Prorektor A.Jo‘rayev Gretsiya universitetlari bilan mavjud hamkorlik aloqalari haqida gapirib o‘tdi. Elchi E.Nassika O‘zbekiston va Gretsiya o‘rtasidagi hamkorlik barcha sohalarda kuchayib borayotganligini, oliy taʼlim sohasidagi aloqalar ko‘lamini kengaytirishdan har ikkala tomon manfaatdor bo‘lishini taʼkidlab, bir qancha tashabbuslarni taklif qildi. Universitetimiz tomonidan beriladigan hamkorlik bo‘yicha takliflarni Gretsiya universitetlariga yetkazish bo‘yicha kelishib olindi.Uchrashuv oxirida tomonlar esdalik sovg‘alari almashishdi.BuxDU Xalqaro hamkorlik bo`limi
