Har yili iyul-avgust oylari yoshlarimiz hayotida juda faoliyat davri bo`ladi. Oliy ta’lim bosqichiga qabul qilinish orzusida yurgan bo`lg`usi talabalar aynan shu oylarda kelajakalariga poydevor qo`yadilar.Bir necha kundan beri Buxoro davlat universitetida o`tkazilayotgan kasbiy (ijodiy) imtihonlarda o`z qobiliyatlarini namoyish etib kelayotgan abituriyentlarimizni kuzatib borish maqsadida jamoatchilik kengashi jarayonda ishtirok etdi. O`zbekiston xalq ustasi, Respublika Badiiy Akademiyasi akademigi, kulollar oilasining oltinchi sulolasi Alisher Narzullayev, G`ijduvon shahridan tashrif buyurgan abituriyentning onasi Marhabo Bo`stonova hamda deputatlar, Xalq ta’limi a’zolari, Kasb-hunar boshqarmasi, viloyat tashkilotlarida faoliyat yuritadigan bir guruh xodimlar, ota-onalar, mahalladagi uyushmagan yoshlardan iborat Jamoatchilik kengashi har bir yo`nalishni bevosita kuzatib, olib borilayotgan jarayondan boxabar bo`ldilar. Faoliyatning ochiqligini ta’minlash, abituriyentlar manfaatlarining himoya qilinishi, imtihon jarayonlarida adolatning ustivorligiga guvoh bo`lish maqsadida jamoatchilik kengashi a’zolari bilan birga kasbiy (ijodiy) imtihon jarayonlarini ko`zdan kechirdik. Joriy yilda hujjat topshirgan abituriyentlar benihoya iqtidorli. Har birlari o`qishga kirish uchun o`z qobiliyatlarini yetarlicha namoyish etmoqdalar. Dilbar Ahmedova Buxoro viloyat kengashi deputati Bugun jamoat kengashi a’zosi sifatida muhim jarayon – kasbiy (ijodiy) imtihonlarning bevosita guvohi bo`lib turibmiz. Shaffoflik va ochiqlikni ta’minlash, ushbu sohada chiqarilgan nizomlar ijrosi yuzasidan respublikaning boshqa OTMlaridan kuzatuvchilar taklif etilgan. Shuning o`ziyoq tizimda adolat va shaffoflikka jiddiy e’tibor berilmoqda. Abituriyentlarimizga ijodiy malakalarini ko`rsatish uchun yaratilgan sharoitlarni alohida e’tirof etish kerak. Maqsadimiz shuki, oliy ta’lim muassasiga iqtidorli, iste’dodli yoshlarimiz qabul qilinsa, ular kelajakda yurtimizga kerakli faol kadr bo`lishiga shubha yo`q. Barcha abituriyentlarga omad tilaymiz. Yuzlari yorug` bo`lib, yurtimizning ertasi bo`lishlariga tilakdoshman.Tavakkal Choriyev, Oliy Majlis Qonunchilik palatasi deputatiBuxDU Matbuot xizmati
