Prezidentimiz raisligida 2020 yil 30 oktyabr kuni mamlakatimizda ta’lim-tarbiya tizimini takomillashtirish, ilm-fan sohasi rivojini jadallashtirish masalalari muhokamasiga bag‘ishlangan videoselektor yig‘ilishida maktablarda mavjud holat, yutuq va kamchiliklar tahlil qilinib, galdagi ustuvor vazifalar belgilab berildi. Davlatimiz rahbarining 2020 yil 6 noyabrdagi «O‘zbekistonning yangi taraqqiyot davrida ta’lim-tarbiya va ilm-fan sohalarini rivojlantirish chora-tadbirlari to‘g‘risida»gi farmoni ham ta’limga e’tiborning yorqin ifodasi bo‘ldi. Ayniqsa, ushbu hujjat maktab va oliy ta’lim muassasalarining hamkorligini yanada rivojlantirish, bu ikki ta’lim muassasalarining integrasiyasini yanada mustahkamlashda muhim ahamiyat kasb etmoqda.Darhaqiqat, ustoz murabbiylarning jamiyatdagi o‘rnini mustahkamlash bilan bir qatorda, o‘quvchilarning iste’dodlarini kashf etish, ularni yoshligidan o‘zlari qiziqqan hamda orzu qilgan sohasiga yo‘naltirish bugungi kunda eng dolzarb vazifalardan biriga aylandi.Buxoro davlat universiteti rektori Obidjon Xamidov mavjud muammolarni o‘rganish, ularga yechim topish hamda kelajakda chuqur hamkorlik aloqalarini o‘rnatish maqsadida universitetga biriktirilgan Buxoro tumanidagi 23-son umumta’lim maktabining bitiruvchi o‘quvchilari bilan uchrashdi.Uchrashuvda universitet rektori o‘quvchilardan kelajakdagi rejalari, ta’lim olishda qaysi turdagi adabiyotlarni o‘qishlari to‘g‘risida fikrlarini oldi. Shuningdek, o‘quvchilarga hukumatimiz tomonidan "yoshlar daftari"ga kiritilgan maktab o‘quvchilari uchun oliy ta’lim muassasalarida ta’lim olishda qo‘shimcha imtiyozli o‘rinlarni ajratilishi hamda universitet tomonidan maktab o‘quvchilari uchun "universitet stipendiyasi" joriy etilganligini aytib o‘tdi.O‘quvchilar bilan bo‘lib o‘tgan alohida suhbatda universitet rektori ularning maktabda ta’lim olish sifatini oshirishdagi takliflari bilan qiziqdi. Unga ko‘ra o‘quvchilar maktab darsliklarida ingliz tili, matematika, ona tili fanlarini "chuqurroq" o‘tilishi, ingliz tili fani dars soatlarini ko‘paytirishni istashmoqda.Obidjon Xamidov maktab rahbariyati, o‘quvchi hamda o‘qituvchilar bilan bo‘lgan uchrashuvda yangi hamkorlik yo‘nalishlarini tashkil etishga tayyor ekanligini qayd etdi. Jumladan, maktab jamoasi va iqtidorli o‘quvchilarning universitetga tashrifini, universitetda faoliyat yuritayotgan professor-o‘qituvchilari, shuningdek, iqtidorli yosh professor-o‘qituvchilar ishtirokida mahorat darslari, ko‘rgazmalar tashkil etish, birgalikda turli madaniy-ma’rifiy tadbirlar o‘tkazish, maktabdagi ingliz tili bo‘yicha to‘garaklarga universitet institut professor-o‘qituvchilari va talaba-yoshlarini keng jalb etishga kelishib olindi. Suhbat so‘ngida maktab bitiruvchilariga universitet rektori hamda professor-o‘qituvchilari tomonidan badiiy va ilmiy adabiyotlar topshirildi."Yoshligimda taekvondo sport turiga qiziqaman va ko‘plab respublika hamda xalqaro musobaqalarida fahrli o‘rinlarni egallab kelmoqdaman, o‘qishni bitirishim bilan Buxoro davlat universitetining Jismoniy madaniyat fakultetidagi Qizlar sporti yo‘nalishiga o‘qishga topshirmoqchiman" deydi 11-sinf o‘quvchisi Berdiyeva Mehriniso."Bugungi suhbatda universitet ustozlari kelib bizga ta’lim olish, o‘z ustimizda ishlash uchun juda yaxshi "motivasiya", to‘g‘ri maslahatlarni berdilar, bizni "O‘zbekiston umidi" deb ataganlari bizni ancha ruhlantirdi" deydi maktab o‘quvchisi Erkinov Safarbek.Mazkur maktab bilan hamkorlikda amalga oshiriladigan vazifalardan iborat dastur tayyorlanib, amalga oshiriladi. Ushbu hamkorlik doirasida Prezidentimiz tomonidan ilgari surilgan 5 muhim tashabbusning amaliy ijrosini ta’minlashga alohida urg‘u berilgan. Ushbu uchrashuvda BuxDU o‘quv ishlari bo‘yicha prorektori M.I.Daminov, Xorijiy tillar fakulteti dekani, dekan o‘rinbosari, Ingliz tilshunosligi hamda Ingliz adabiyotshunosligi kafedralari professor-o‘qituvchilari ishtirok etishdi.BuxDU Matbuot xizmati
