O‘zbekiston Respublikasi Prezidentining 2020 yil 30 oktyabrdagi PF-6099-son “Sog‘lom turmush tarzini keng targ‘ib etish va ommaviy sportni yanada rivojlantirish chora-tadbirlari to‘g‘risida”gi Farmoni ijrosini ta’minlash maqsadida bugun, 14 may kuni Buxoro davlat universiteti rahbariyati tashabbusi bilan “Ziyorat velomarafoni”ning navbatdagi yo‘nalishi bo‘lgan Sitorai Moxi-Xosa majmuasi tomon o‘tkazildi.Mazkur velomarafonda viloyat oliy ta’lim muassasalari rektorlari, universitet professor-o‘qituvchilaridan tortib, fakultetlar dekanlari, ishchi-xodimlaru sportsevar talabalargacha qamrab olindi. O‘zaro madaniy-sport aloqalarini yo‘lga qo‘yish hamda jismoniy tarbiya va sportni kundalik turmush tarziga kiritish maqsadida tashkil etilgan marafon erta tongda Buxoro davlat universitetidan boshlanib, Sitorai Moxi-Xosa majmuasigacha bo‘lgan masofada o‘tkazildi.Ushbu velomarafonni tashkillashtirishda universitet rahbariyati, jamoasi, Jismoniy madaniyat fakulteti dekani hamda professor-o‘qituvchilari, Buxoro viloyati IIB rahbariyati hamda Buxoro viloyati IIB xodimi Jamil Adizovga o‘z minnatdorchiligimizni bildiramiz.BuxDU Matbuot xizmati