Bugun Buxoro davlat universiteti tomonidan AOKA Buxoro viloyat hududiy boshqarmasi tashabbusi asosida ommaviy axborot vositalari ishtirokida O‘zbekiston Respublikasi Prezidenti Sh.Mirziyoev raisligida bo‘lib o‘tgan 2021 yil 16 iyundagi Oliy ta’lim tizimidagi ustuvor vazifalar muhokamasiga bag‘ishlangan videoselektor yig‘ilishida berilgan topshiriq va vazifalar hamda "Buxoro davlat universiteti transformatsiya jarayonida: natijalar va istiqboldagi rejalar" mavzusida matbuot anjumani tashkil etildi.Matbuot anjumanida Buxoro davlat universiteti rektori O.X. Xamidov, O‘zbekiston Respublikasi Prezidenti administratsiyasi huzuridagi axborot va ommaviy kommunikatsiyalar agentligi Buxoro viloyati boshqarmasi xodimi N. Quvoncheva, L. Hayitova "daryo sayti viloyat muxbiri", Z. Komilov O‘ZA viloyat muxbiri, Z. Xudoyqulona Rahmatovna "Istiqlol televideniyasi muxbiri, zo‘r tv bu kun dasturi viloyat muxbiri, B. Adizov "Kun uz" viloyat muxbiri, D. Ibodova " Xalq fikri" fb guruhi admini, bloger, hamda Buxoro davlat universiteti O‘quv ishlari bo‘yicha prorektori M.I. Daminov, Ilmiy ishlar va innovatsiyalar bo‘yicha prorektori O.S. Qahhorov, Xalqaro hamkorlik bo‘yicha prorektori A.T. Jo‘raev, Moliya va iqtisod ishlari bo‘yicha prorektori O‘.U. Rashidov, Yoshlar ishlari va ma’naviy ishlar bo‘yicha prorektori A.M. Kadirov, bo‘lim boshliqlari, O‘zbekiston Respublikasi Prezidenti administratsiyasi huzuridagi axborot va ommaviy kommunikatsiyalar agentligi Buxoro viloyati boshqarmasi xodimlari, universitet Matbuot kotibi O.Jalolov va bir qator blogerlar ishtirok etdilar.Anjumanda Buxoro davlat universiteti rektori O.X. Xamidov tomonidan O‘zbekiston Respublikasi Prezidenti Sh.Mirziyoev raisligida bo‘lib o‘tgan 2021 yil 16 iyundagi Oliy ta’lim tizimidagi ustuvor vazifalar muhokamasiga bag‘ishlangan videoselektor yig‘ilishida berilgan topshiriq va vazifalarning mazmun-mohiyati, uning ijrosi yuzasidan Buxoro davlat universitetida amalga oshirilayotgan ishlar, oliygohning ilmiy salohiyati, kafedralar faoliyati, olinayotgan natijalar hamda kelgusidagi vazifalar haqida umumiy ma’lumot berildi.Anjuman davomida Buxoro davlat universiteti rektori O.X. Xamidov tomonidan anjuman ishtirokchilari o‘zlari qiziqtirgan barcha savollariga javob olishdi.BuxDU Matbuot xizmati
