Bugun Ukrainaning yangi tashkil topgan universitetlaridan biri – Davlat iqtisodiyot va texnologiya universiteti bilan onlayn uchrashuv bo‘lib o‘tdi. Mazkur universitet yaqinda ikkita institut – Krivoy Rog iqtisodiyot instituti bilan Krivoy Rog metallurgiya institutlarining birlashishi natijasida tashkil topgan bo‘lib, zamonaviy taraqqiyotning asosiy drayverlari bo‘lgan iqtisodiyot va texnologiyaning uyg‘unlashuviga asoslanadigan taʼlim xizmatlarini taklif etadi.Buxoro davlat universiteti bilan Krivoy Rog iqtisodiyot instituti o‘rtasida bir necha yillik hamkorlik mavjud bo‘lib, u ayni paytda yangi tashkil topgan universitet bilan hamkorlik uchun asosni tashkil etadi. Bugun imzolangan shartnoma ham hamkorlikning yangi bosqichini belgilab bermoqda.Uchrashuvda rektor O.Xamidov, xalqaro hamkorlik bo‘yicha prorektor A.Jo‘rayev, Iqtisodiyot va turizm fakulteti dekani D.Yavmutov, “Iqtisodiyot” kafedrasi mudiri A.Abdulloyev, Ukraina tomonidan esa DITU rektori A.Shaykan, prorektor S.Gushko, “Xalqaro iqtisodiyot” kafedrasi professori V.Kulishov ishtirok etishdi.Rektor O.Xamidov o‘zaro hamkorlikning ustivor yo‘nalishlari haqida takliflarini bildirdi. DITU rektori A.Shaykan ham BuxDU O‘zbekistonda DITUning asosiy hamkori ekanligi, yaqin oylarda Ukraina taʼlim va fan vaziri katta delegatsiya O‘zbekistonga tashrif buyurishi rejalashtirilganligini, bu o‘z navbatida o‘zaro hamkorlikka yangi turtki berishini taʼkidlab o‘tdi.2020-yilda ham mualliflikda chop etilgan “Mikroiqtisodiyot” darsligi o‘quv-uslubiy aloqalarning bir namunasi ekanligi taʼkidlab o‘tildi.Uchrashuvda hamkorlik shartnomasi imzolanishi qatorida bo‘lg‘usi amaliy ishlarning yo‘l xaritasini tayyorlash hamda ishchi guruhlarni shakllantirishga kelishib olindi.Davlat iqtisodiyot va texnologiya universiteti bilan universitetning rasmiy saytida yaqinroq tanishish mumkin: https://www.duet.edu.ua/en BuxDU Xalqaro hamkorlik bo'limi