Universitetimizning Moskva pedagogika davlat universiteti bilan hamkorlik shartnomasi mavjud bo‘lib, ushbu shartnoma doirasida bir qator tashabbuslar amalga oshirib kelinmoqda.19-fevral kuni tasviriy sanʼat va muhandislik grafikasi sohasida o‘quv-uslubiy hamkorlikni yo‘lga qo‘yish bo‘yicha ishchi yig‘ilish o‘tkazildi. Uchrashuvda BuxDU xalqaro hamkorlik bo‘yicha prorektori A.Jo‘rayev, Sanʼatshunoslik fakulteti dekani muovini D.Mamatov, prof. S.Abdullayev, dos. S.Abdullayev, MDPU tomonidan xalqaro hamkorlik boshqarmasi boshlig‘i V.V.Kruglov, Sanʼat instituti Tasviriy sanʼat-grafika fakulteti dekani K.M.Zubrilin, dekan o‘rinbosari N.A.Nikishova, “Sanʼatda dizayn va mediatexnologiyalar” kafedrasi mudiri v.b. T.S.Severova, prof. S.Ye.Ignatyev ishtirok etdi. Uchrashuvda qo‘shma magistratura dasturlarini tashkil qilish, hamkorlikda ko‘rgazmalar va konferensiyalar o‘tkazish, talaba va professor-o‘qituvchi almashinish masalalari muhokama qilindi. Tomonlar yaqin kunlar ichida ishchi qo‘shma magistratura dasturiga tegishli jihatlarni ishlab chiqish, maxsus fanlar bo‘yicha dars o‘tuvchi o‘qituvchilarga bo‘lgan ehtiyojni aniqlashga hamda mart oyida onlayn ko‘rgazma o‘tkazishga kelishib olishdi. Maʼlumot uchun: MPDU Rossiya Federatsiyasining tayanch pedagogika oliy taʼlim muassasasi hisoblanadi. 1872-yilda tashkil etilgan OTMning shiori – “Anʼanalarga sodiq, innovatsiyalarga ochiq!”. Bugungi kunda MDPUda 28 mingdan ortiq, shu jumladan 2800 nafar xorijlik talaba taʼlim oladi. 1919 nafar professor-o‘qituvchi faoliyat ko‘rsatib, ularning 1191 nafari fan nomzodi, 401 nafari fan doktori ilmiy darajasiga ega. MDPU tarkibiga 14 ta institut, 3 ta fakultet, 10 ta o‘quv-ilmiy markaz, 59 ta ilmiy maktab, 1 ta litsey va 1 ta kollej kiradi. 500 ta mutaxassislik, 38 ta bakalavriat, 25 ta magistratura dasturlari, 69 ta ixtisoslikda aspirantura mavjud. 437 ta qo‘shimcha taʼlim dasturlari yo‘lga qo‘yilgan.MDPU rasmiy sayti: http://mpgu.suSanʼat institutining sahifasi: http://mpgu.su/ob-mpgu/struktura/faculties/institut-iskusstv/BuxDU Matbuot xizmati
