20-aprel kuni xalqaro hamkorlik bo‘yicha prorektor A.Jo‘rayev Moskva pedagogika davlat universiteti vakillari bilan uchrashuv o‘tkazdi. Uchrashuvda MPDU xalqaro aloqalar boshqarmasi boshlig‘i o‘rinbosariO.Morozova hamda qabul jarayonlarini tashkil etish boshqarmasi boshlig‘i o‘rinbosariA.Sokolovalar ishtirok etishdi.Uchrashuvda o‘zaro hamkorlikka tegishli bir nechta masalalar muhokama qilindi. Shu jumladan:1). Universitetda tashkil etilayotgan Pedagogika instituti bilan MDPU hamkorligini yo‘lga qo‘yish masalasida fikr almashildi. MPDU tomoni yangi institutga uslubiy yordam ko‘rsatishga tayyor ekanliklarini, hamkorlik mavjud kelishuvlar doirasida ham davom ettirilishi yoki zarur hollarda Institut bilan alohida hamkorlik shartnomasi imzolanishi mumkinligini qayd etdi.2). MPDU bilan "Tasviriy sanʼat va muhandislik grafikasi", "Jismoniy madaniyat", “Logopediya” kabi sohalarda bakalavriat va magistratura qo‘shma taʼlim dasturlarini yo‘lga qo‘yish masalasi muhokama qilindi. Mazkur yo‘nalishda amal qilayotgan mexanizmlar bo‘yicha maʼlumot almashildi. Ushbu masala bo‘yicha universitetlar o‘z ishchi guruhlari doirasida muhokamalarni o‘tkazib, keyingi bosqichlarda bu masalani qaytadan kun tartibiga qo‘yishga kelishib olindi.3). Prorektor A.Jo‘rayev universitetda yangi va yosh o‘qituvchilarning kasbiy malaka va ko‘nikmalarini oshirish bo‘yicha qisqa muddatli kurslar tashkil etilganligini maʼlum qilib, ushbu kurslarda maʼruza o‘qish, shuningdek umuman "21-asr pedagogi" mavzusida maxsus maʼruzalarni o‘qish uchun MPDU professor-o‘qituvchilarini taklif qilish fikrini bildirdi. MPDU tomoni ushbu taklifni qo‘llab-quvvatlab, zarur hollarda yozgi maktablar tashkil qilish mumkinligini ham qayd etdi.4). Buxoro davlat universitetiga rus tili o‘qituvchilarini taklif etish masalasi ham MPDU tomonidan ko‘rib chiqilishiga kelishildi.BuxDU Xalqaro hamkorlik bo'limi
