2021 yil 16 yanvar kuni Oliy va o‘rta maxsus ta’lim vazirining o‘rinbosari S. Buzrukxonov, Buxoro davlat universiteti rektori O.Xamidovlar Buxoro davlat universiteti huzuridagi Qorako'l akademik litseyiga tashrif buyurishdi. Tashrif davomida akademik litseyda ta’lim-tarbiya jarayonining yo‘lga qo‘yilganligi, o‘quvchilarning darsdan tashqari hayotining mazmunli tashkil qilinishi, ovqatlanish uchun yaratilgan shart-sharoitlar, litseyda fan, sport, san’at yo‘nalishida yo‘lga qo‘yilgan to‘garaklar faoliyati bilan atroflicha tanishildi.Qorako‘l akademik litseyining rahbar va pedagog xodimlari bilan bo‘lib o‘tgan uchrashuvda o‘quv jarayoniga zamonaviy pedagogik va axborot-kommunikatsiya texnologiyalarini keng joriy etish, litsey faoliyatini raqamlashtirish, yangi tashkil qilingan SMART ROOM imkoniyatlaridan dars mashg‘ulotlari, onlayn seminar va uchrashuvlarni o‘tkazishda unumli foydalanish masalalari muhokama qilindi. Shuningdek, akademik litseyning bino va inshootlari, o‘quvchilar turar joyining texnik holati, isitish, elektr, issiq va sovuq suv ta’minoti, yong‘in xavfsizligi tizimlari ko‘zdan kechirildi. O‘quvchilar turar joyidagi sanitariya va gigiyena bilan bog‘liq sharoitlarni yaxshilash, litsey hududida obodonlashtirish ishlarini takomillashtirish bo‘yicha tavsiya va topshiriqlar berildi.BuxDU Matbuot xizmati
