2020 yil 19 oktyabr kuni fizika-matematika fakulteti Differensial tenglamalar kafedrasi professor-o‘qituvchilari va 1-4MAT19, 1-5MAT19 guruhlari talabalari ishtirokida “21-oktyabr - O‘zbek tili bayrami kuni”ga bag‘ishlangan “Boqiysan, iftixorimsan, ona tilim!” onlayn tadbir o‘tkazildi. Tadbirda 1-4MAT19 talabalari faol ishtirok etdilar. Ular o‘z chiqishlari bilan bayramga o‘zgacha joziba bag‘ishladilar.O‘tgan yilning 21 oktyabr kuni poytaxtdagi muhtasham majlislar saroyida Prezident Shavkat Mirziyoyev o‘zbek tili haqida yoniq so‘zlarini aytganida barcha tik oyoqqa turib, davomli qarsaklar bilan olqishlagan edi. Mamlakat rahbari o‘zbek tilining davlat va jamiyat hayotidagi mavqeini yanada oshirish, “Davlat tili haqida“gi qonunni bugungi kun talablaridan kelib chiqib takomillashtirish zarurligini ta’kidlab, bu boradagi dolzarb vazifalarni ko‘rsatdi va “O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida” farmon qabul qilganini, unga binoan, 21 oktyabr sanasi O‘zbekistonda “O‘zbek tili bayrami kuni” deb belgilanganini ta’kidlab o‘tdi. Ushbu yil tilimizga davlat tili maqomi berilganiga 31 yil bo‘ldi. “21-oktyabr - O‘zbek tili bayrami kuni” bayramini guruhimiz talabalari pandemiya sharotiga mos ravishda onlayn tashkil etib o‘tkazishdi. Tadbir til haqida she’rlar bilan davom etdi. Jumladan Abdulla Oripov, Erkin Voxidov, Muhammad Yusufning she’rlari yangradi. “Differensial tenglamalar” kafedrasi dosenti N.A.Turayeva ham tadbirda o‘z fikrlarini bayon qildilar. Buxoro shahar 28-maktab 8-A sinf o‘quvchilarining ajoyib raqslari ham ajoyib sovg‘a bo‘ldi. Ushbu chiqishni tashkil etishda 8-A sinf rahbari, 28-maktab, matematika o‘qituvchisi Gulnoza Toxirovna Ibragimova alohida minnatdorchilik bildirildi.“Differensial tenglamalar” kafedrasi katta o‘qituvchisi Shahlo Byerdiyevna Merajova
