24 yanvar kuni BuxDUda Daniyaning Kopengagen universiteti professorlari Migel Anxel Andres-Toledo va Berit Xildebrandtlarning ilmiy ma`ruzalari bo`lib o`tdi. Ilmiy ma`ruzalarda Ijtimoiy-iqtisodiy fakultetning tarix yo`nalishi talabalari hamda professor-o`qituvchilari ishtirok etdi. Migel Angel Adres Toledo "Avestoda moddiy madaniyat boyliklarining yoritilishi" mavzusida, Berit Xildebrandt esa "Rim imperiyasi davrida ipak mahsulotlari savdosi" mavzusida ma`ruza o`qishdi.Ma`ruzalardan so`ng professorlar ishtirokchilarni qiziqtirgan savollarga javob berishdi. Shuningdek, universitet professor-o`qituvchilari bilan ilmiy yo`nalishda hamkorlik qilish masalalari muhokama qilindi.Kopengagen universiteti Daniyadagi eng qadimiy ta`lim va ilmiy tadqiqot muassasasi bo`lib, 1479 yilda tashkil qilingan. Ayni paytda Kopengagen universiteti turli reytinglarda jahon OTMlari orasida birinchi elliktalikda o`rin egallaydi. Talabalar soni 41 mingdan ortiq.
