Xalqimizning koʼp asrlik madaniy, ilmiy-maʼrifiy va badiiy tafakkuri, intellektual salohiyatining yorqin va bebaho mahsuli boʼlgan oʼzbek tili jahondagi boy va qadimiy tillardan biridir. Istiqlol yillarida ona tilimiz tom maʼnoda davlat tiliga aylanib, xalqimizni yurtimizda erkin va ozod, farovon hayot qurishdek buyuk marralarga safarbar etadigan beqiyos kuch sifatida maydonga chiqdi.Bugungi globallashuv davrida har bir xalq, har qaysi mustaqil davlat oʼz milliy manfaatlarini taʼminlash, bu borada avvalo oʼz madaniyatini, azaliy qadriyatlarini, ona tilini asrab-avaylash va rivojlantirish masalasiga ustuvor ahamiyat qaratishi tabiiydir.Oʼzbek tilining xalqimiz ijtimoiy hayotida va xalqaro miqyosdagi obroʼ-eʼtiborini tubdan oshirish, unib-oʼsib kelayotgan yoshlarimizni vatanparvarlik, milliy anʼana va qadriyatlarga sadoqat, ulugʼ ajdodlarimizning boy merosiga vorislik ruhida tarbiyalash, mamlakatimizda davlat tilini toʼlaqonli joriy etishni taʼminlash maqsadida 2020 yilning 10-aprel sanasida “Oʼzbek tili bayrami kunini belgilash toʼgʼrisida"gi Oʼzbekiston Respublikasining Qonuni qabul qilindi.Ushbu qonunni ijrosini taʼminlash maqsadida Buxoro viloyatida joriy yilning oktabr oyida oʼzbek tili bayramining 31 yilligini keng nishonlash rejalashtirilmoqda.Аnjuman doirasida joriy yilning 16 oktabr sanasida universitetda “Davlat tili-ijtimoiy taraqqiyot va milliy yuksalish mezoni” mavzusidagi ilmiy-amaliy konferensiya oʼtkazilishi rejalashtirilmoqda.Shu maqsadda 2020 yilning 25 sentabr universitet rektorining mazkur konferensiyaning dasturiy va tashkiliy qoʼmitasini tasdiqlash borasida 456-U- sonli buyrugʼi qabul qilindi. Ushbu buyruq ijrosi yuzasidan shu kuni universitetning kichik majlislar zalida konferensiyaning dasturiy va tashkiliy qoʼmitasi tarkibidan oʼrin olgan ishchi guruh aʼzolarining yigʼilishi boʼlib oʼtdi. Yigʼilishda konferensiyaning dasturiy va tashkiliy masalari muhokama qilindi. Xususan, konferensiyasi yuqori saviyada oʼtkazish maqsadida unda universitet professor-oʼqituvchilari, doktorantlar, tayanch doktorantlar, mustaqil izlanuvchilar, iqtidorli talabalar, viloyatdagi, Respublikada hamda xorijdagi atoqli olimlar ishtirokini taʼminlash masalari ham muhokama qilindi. Yigʼilish ishtirokchilari tomonidan konferensiyani yuqori saviyada hamda keng koʼlamda oʼtkazish lozimligi taʼkidlandi.
