Buxoro davlat universitetida 2014/2015 o’quv yili uchun abiturientlardan hujjat qabul qilish jarayoni davom etmoqda. Davlatimiz rahbarining joriy yil 26 iyunda qabul qilingan “2014/2015 o’quv yilida O’zbekiston Respublikasi oliy ta’lim muassasalariga qabul to’g’risida”gi qarori asosida mazkur universitetga 34 yo’nalish bo’yicha 1 ming 480 nafar abiturient talabalikka qabul qilinishi rejalashtirilgan.Ularning 445 nafari davlat granti, 1 ming 35 nafari to’lov shartnoma asosida o’qish imkoniyatiga ega bo’ladi. magistratura bosqichida esa 59 nafar yosh mutahassis tahsilni davom ettiradi. Shu kunlarda universitetning qabul komissiyasi joylashgan hududda abiturientlar va ularning ota-onalari uchun barcha qulayliklar yaratilgan. O’zA, Tohir Istatov (surat)
