2020-yil 29-avgust Buxoro davlat universiteti rektori, professor O.X. Xamidov Xalqaro Markaziy Osiyo tadqiqotlari institutining strategik rivojlanish bo‘yicha direktori, arxeolog, S.T. Babayev bilan o‘zaro istiqboldagi hamkorlik rejalarini muhokama qilib olishdi.Buxoro davlat univeristeti bilan Xalqaro Markaziy Osiyo tadqiqotlari instituti o‘rtasida hamkorlik memorandumi asosida moddiy va nomoddiy merosni ilmiy tadqiq qilish, fundamental tadqiqotlar asosida yosh olimlarni ilmiy izlanishlarga jalb etish, xalqaro ilmiy-tadqiqot muassasalari bilan hamkorlikni yanada mustahkamlash, Buxoro tarixini o‘rganishga qaratilgan loyihalarni amalga oshirish yuzasidan strategik sherikchilik masalalari o‘rtaga tashlandi.Universitet tomonidan xalqaro miqyosda olib borayotgan ishlar arxeolog, S.T. Babayevga ijobiy taassurot qoldirdi. Shu o‘rinda, istiqbolda universitetning Tarix va madaniy meros fakulteti huzurida ilmiy-tadqiqot markazini tuzish yuzasidan chora-tadbirlarni ishlab chiqish g‘oyasi ilgari surildi.Axborot o‘rnida: Xalqaro Markaziy Osiyo tadqiqotlari instituti 1995 yil 5 iyulda YUNESKOning keng ko‘lamli Ipak yo‘li loyihasi natijasida tashkil etilgan. Institutni yaratish g‘oyasi madaniy rivojlanish o‘n yilligining asosiy loyihasi - "Ipak yo‘lini har tomonlama o‘rganish - muloqot yo‘li" loyihasi doirasida tashkil etilgan.Rasmiy tashkil etilgandan so‘ng, YUNESKO Bosh direktori janob Federiko Mayor 1995 yil 27 avgustda Samarqandda (O‘zbekiston) institutni ochdi.Dastlab institutni tashkil etish to‘g‘risidagi Bitimni Ozarbayjon, Eron, Qozog‘iston, Xitoy, Koreya, Qirg‘iziston, Pokiston, Tojikiston, Turkiya va O‘zbekiston imzoladilar. Mo‘g‘uliston institutga 2020 yilda qo‘shilgan.Xalqaro Markaziy Osiyo tadqiqotlari institutning asosiy maqsadi dunyo hamjamiyatining eʼtiborini Markaziy Osiyoning tarixiy va madaniy rivojlanishi muammolarini hal etishga jalb qilish va mintaqani ko‘p tarmoqli o‘rganish orqali mahalliy olimlar va ularning xorijdagi ekspertlari o‘rtasidagi hamkorlikni kuchaytirishdan iborat.Tarix va madaniy meros fakulteti dekani J.R.Jo'rayev