O‘zbekiston – yoshlar mamlakati. Har bir yoshning taqdiri hukumatimiz, shaxsan Prezidentimiz e’tiborida. Mamlakatimiz Prezidenti faol yoshlar vakillari bilan o‘tkazgan uchrashuvlarida yoshlarning har tomonlama qo‘llab-quvvatlash borasida chora-tadbirlarni yanada kuchayirish borasida bir qator vazifalar belgilab berilgandir. Mazkur vazifalar ijrosi yosh avlodni yanada barkamol insonlar bo‘lib kamol topishlariga hamda Vatanimiz taraqqiyotiga munosib hissa qo‘shishlariga zamindir. Oliy ta’lim muassasalari bitiruvchilarini ish bilan ta’minlash masalasi yoshlarni hayotda o‘z o‘ringa ega bo‘lishlaridagi asosiy omillardan biridir. 2020-yilning 05-avgust kuni Buxoro davlat universitetida Zoom platformasi orqali Buxoro davlat universiteti rahbariyati va magistratura mutaxassisliklari bitiruvchilari o'rtasida online suhbat bo'lib o'tdi. Online suhbatni Buxoro davlat universiteti rektori, iqtisodiyot fanlari doktori, professor Obidjon Xamidov ochib mamlakatimizda oliy ta'lim sohasida olib borilayotgan izchil islohotlar borasidagi chora-tadbirlar haqida gapirdi. "Muhtaram Prezidentimiz Sh.M. Mirziyoyev tomonlaridan belgilab berilgan ta’lim tizimini isloh qilish, ta’lim tizimida tubdan o’zgarishlarni kiritish degan masalalarga siz aziz magistratura bitiruvchilari javob berganliklaringiz uchun minnatdorchiligimizni bildiramiz. Uchrashuvda oliy ta’lim tizimida yildan yilga qamrov kengayib bormoqda va xozirgi vaqtda kelib ushbu ko’rsatkich 25 % tashkil qilmoqda. Buxoro davlat universitetida ham bu yilgi qabul reja 5150 nafar talabani tashkil etadi. Ushbu ko’rsatkich o’tgan yilga nisbatan 43 % oshgan. Bu avvalambor ilm olaman bilim olaman keng qamrovli jamiyatni ilmli qilib berishga ochib berishga bir yaxshi yo’l deb hisoblaymiz" - deydi Buxoro davlat universiteti rektori, iqtisodiyot fanlari doktori, professor Obidjon XamidovUchrashuvda universitet prorektorlari, bo'lim boshliqlari, kasaba uyushmasi raisi, kadrlar bo'limi boshlig'i, fakultet dekanlari, magistratura talabalari ishtirok etdilar. Ushrashuvda magistratura talabalaridan Sharipova Maftuna, Jasur Jo'raqulov, Xalikova Nargiza, Jo'rayeva Ozoda, Bozorova Sitora va boshqalar universitetda 2 yil mobaynida ta'lim olib kelgusidagi ilmiy ishlarini davom ettirishlari munosabati bilan universitetda faoliyat yuritish istaklari borligini ma'lum qildilar.
