Kuni kecha Buxoro davlat universiteti Matematika ta’lim yo’nalishida tahsil olib, O’zbekiston Respublikasi Prezidenti stipendiyasi va Ulug’bek nomli Davlat stipendiyasi sovrindorlari ishtirokida ijodiy uchrashuv bo’lib o’tdi. Tadbirni Fizika-matematika fakulteti dekani H.O. Jo’rayev kirish so’zi bilan ochib berdi va tadbir ishtirokchilarini Matematika ta’limi va fanini rivojlantirish bo’yicha yurtimizda olib borilayotgan islohotlar bilan tanishtirdi. Matematika kafedrasi mudiri, f.-m.f.n., dots. T.H. Rasulov 2019-2020 o’quv yilida kafedra jamoasi tomonidan iqtidorli talabalarni aniqlash, ularning intellectual salohiyatini qo’llab quvvatlash, rag’batlantirish va matematik savodxonligini oshirish bo’yicha amalga oshirilayotgan ishlar bilan tanishtirdi. So’ngra 2007-2008 o’quv yilida BuxDU talabasi sifatida, 2009-2010 o’quv yilida O’zMU magistranti sifatida O’zbekiston Respublikasi Prezidenti stipendiyanti bo’lgan Sh.N. Murodov, turli yillarda Ulug’bek nomli Davlat stipendiyasi sovrindorlari bo’lgan Sh.B. Merajova, N.O. Jo’rayeva, H.H. Turdiyev, Z.E. Mustafoyevalarni tanishtirib, ularga navbat bilan so’z berildi. Matematika kafedra tashabbusi bilan talabalar o’rtasida o’tkazilgan “Eng yaxshi tadqiqotchi talaba” tanlovi g’oliblari diplom va esdalik sovg’alari bilan taqdirlandilar. Tanlov g’oliblariga diplom va sovg’alar ramziy ma’noda sobiq stipendiantlar tomonidan topshirilishi talabalarda ilm-fanga bo’lgan qiziqishini orttirdi.
