Buxoro davlat universiteti qo'shni mamlakatlar bilan samarali hamkorlik aloqalarini davom ettirmoqda. Hamkorlik aloqalarining davomi sifatida bugun, Turkmaniston Respublikasining O'zbekiston Respublikasidagi Favqulodda va muxtor elchisi Yazguli Mammedov va elchixona birinchi kotibi Muxammedov Shamuxammet Buxoro davlat universitetiga tashrif buyurishdi. Tashrif davomida Turkmaniston delegatsiyasi Rektor O.X. Xamidov tomonidan qabul qilindi. Qabul jarayonida universitetda taʼlim jarayonlari, taʼlimdagi islohotlar, xorijiy talabalar uchun yaratilgan sharoitlar haqida maʼlumotlar berildi. Uchrashuvda universitet o'quv ishlari bo'yicha prorektori M.I.Daminov, yoshlar bilan ishlash bo'yicha prorektor A.M.Kadirov, Moliya-iqtisod ishlari bo’yicha prorektor O'.U. Rashidov, Xalqaro hamkorlik bo'limi boshlig'i M.Qilichov, Buxoro muhandislik-texnika instituti prorektori va boshqalar ishtirok etishdi.Uchrashuvda BuxDU rektori O.X.Xamidov elchi janoblari tashriflaridan minnatdor ekanliklari hamda universitetda xorijlik talabalar ta'lim olishi uchun yaratilgan shart-sharoitlar hamda imtiyozlar haqida gapirib berdi. Shuningdek, qayd etish kerakki ushbu tashrif janob elchi Yazguli Mammedov tomonidan birinchi marta amalga oshirilayotganligi va kelgusida turkmanistonlik yoshlarni BuxDUga jalb etishda beminnat yordamlarini ayamasliklarini aytib o'tildi. Turkmaniston elchisi "Buxoro - o'rta osiyodagi eng qadimgi shaharlardan biri hisoblanib, bu yerda turkmanistonlik talabalar ta'lim olishi ular uchun g'urur hisoblanadi" deb ta'kidladi.Turkmaniston Respublikasining O'zbekiston Respublikasidagi Favqulodda va muxtor elchisi bilan tashkil etilgan mazkur uchrashuvda tomonlar keng qamrovli hamkorlik masalalari boʻyicha, xususan, taʼlim sohasida xalqaro hamkorlikni rivojlantirish, hamkorlikda universitetda qo'shni mamlakatlardan tashrif buyurib ta'lim olayotgan talabalarni ta'lim sifatini oshirish, turkmanistonlik talabalar xavfsizligi darajasi va shu kabi masalalar borasida muhokamalar boʻlib oʻtdi.Shuningdek, Turkmaniston Respublikasining O'zbekiston Respublikasidagi Favqulodda va muxtor elchisi Y.Mammedov Buxoro davlat universitetida ta'lim olayotgan 311 nafar turkmanistonlik talabalar bilan uchrashuv o'tkazdi. Uchrashuv Rektor O.X. Xamidov tomonidan ochib berildi. Turkmanistonlik talabalar tomonidan vatanni madh etuvchi, bahor haqida tayyorlangan koʼngilochar chiqishlar koʼrsatib berildi. Uchrashuv davomida elchi janoblari talabalardan o'zlari qiynayotgan savollarga javob berdi. Shuningdek, elchi janoblari tomonidan murojaat davomida talabalarga bilim olish, oʼzini yaxshi tutish, kelajakda oʼz sohasi boʼyicha yaxshi mutaxassis boʼlib yetishishga harakat qilish kabi maslahatlar berildi.Uchrashuvlar so'ngida BuxDU rektori O.X.Xamidov tomonidan Turkmaniston Respublikasining O'zbekiston Respublikasidagi Favqulodda va muxtor elchisi Y.Mammedovga estalik sovg'alari topshirildi. Buxoro davlat universiteti Matbuot kotibi Otabek Jalolov