2020-yilning 24-yanvar kuni Buxoro davlat universiteti bosh yig’ingohida O’zbekiston Respublikasi Bosh prokurorining oliy ta’lim tizimidagi korrupsiya holatlari bo’yicha o’tkazgan selektor yig’ilishida berilgan vazifalar ijrosi yuzasidan Jinoyatchilik va korrupsiyaga qarshi kurashish bo’limi tomonidan “Korrupsiyaga qarshi kurashish hamda uning oldini olish” mavzusida BuxDU talabalari bilan targ’ibot uchrashuvi bo’lib o’tdi. Ushbu uchrashuvda Buxoro viloyat prokuraturasi boʼlimi katta tergovchisi А.Tursunov, “Xoʼja Ismat” jomeʼ masjidi imom xatibi S.Gadoev, Tarix va madaniy meros fakulteti dekan o’rinbosari A. Boltayev, fakultetlar yoshlar bilan ishlash boʼyicha dekan oʼrinbosarlari, pedagog-xodimlari, talabalar ishtirok etishdi. Kun tartibidagi masala yuzasidan universitet Yoshlar bilan ishlash boʼyicha prorektor А.M. Kadirov davra suhbatini ochib, bugun muhokama qilinadigan masala birta - bu ham boʼlsa oliy taʼlim muassasalarida korrupsiyaning oldini olishdir. Kuni kecha Korrupsiyaga qarshi kurashish boʼyicha respublika idoralararo komissiyasining kengaytirilgan videoselektorda Oʼzbekiston Respublikasi Bosh prokurori N.Yoʼldoshev nutqining mazmun mohiyati talaba-yoshlarga yetkazildi. Bugun oliy taʼlim sohasida “Korrupsiyasiz soha” loyihasi amalga oshirilishi yuzasidan xalq tilida soddagina qilib - poraxoʼrlik, keng maʼnoda korrupsiya, deb ataluvchi hodisa barcha islohotlar ildiziga bolta urarkan, uni keltirib chiqaruvchi sabab va qarshi kurash choralarini tahlil etamiz deya bugungi uchrashuv ishtirokchilarini tanishtirib oʼtdi.Soʼz navbati “Xoʼja Ismat” jomeʼ masjidi imom xatibi S.Gadoevga berildi: Bugun siz talabalar bilan shunday ulugʼ maskanda, ziyo oʼchogʼida uchrashib turganimizdan bagʼoyat xursandmiz. Yurtimizda hozirda katta islohotlarning boʼlib oʼtayotganligi hamda ushbu islohotlarning amalga oshishi, yurtimizning kundan kunga obod boʼlishi, Vatanimiz, shahrimizning gullab yashnashi, ravnaq topishi uchun albatta ilm kerak. Ilmni yaxshi oʼzlashtirish uchun halol, pokiza rizq kerak. Islom dini hamisha insoniyatni halollikka, ezgulikka, pok rizqlanishga chorlaydi. Zero, halol rizq insonning duosi ijobat boʼlishligiga sabab boʼladi. Halol rizq insonning qalbini nurafshon qiladi. Qalb ravshan, pok boʼlsa, bunday qalbda ilm oʼrnashar ekan. Shuning uchun biz Paygʼambarimiz hadislariga, oʼgitlariga, oʼtgan ajdodlarimiz hayotlariga nazar solsak, ularning barchalari halol rizq payida boʼlganliklari, haromdan hazar qilganliklarini guvohi boʼlamiz. Chunki muqaddas Qurʼoni Karim kitobida ham Аlloh “Ey iymon keltirgan bandalar, oʼzaro oralaringizdagi molu mulkni harom yoʼl bilan yemanglar” deb buyuradi. Muoz ibn Jabal (r.a) bir kuni Paygʼambarimiz oldilariga kelib “Ey Rasululloh, meni haqqimga duo qilsangiz. Duom ijobat boʼladigan bandalardan boʼlay” deya soʼradi. Shunda Rasululloh barcha ummatlariga pandu-nasihat qildilar “Ey Muoz, duong ijobat boʼlsin desang, xalqumingni pokla, kabingni pokla”. Shundan koʼrinib turibdiki, haromdan hazar qil, halol kasb qilib, halol rizq topib, duomiz, amallarimiz, ibodatlarimiz ijobat boʼlishiga erishamiz. Barchamiz Аllohdan manfaatli ilm, aqlu farosat, qabul boʼladigan amal, keng rizq soʼrashimiz uchun halol yashashimiz kerak.Navbatdagi soʼz Buxoro viloyat prokuraturasi boʼlimi katta tergovchisi А.Tursunovga berildi:Hurmatli talabalar, yuqorida sizga korrupsiyaning salbiy oqibatlari, halol va harom rizqlanish toʼgʼrisida yetarli maʼlumotlar diniy nuqtai nazardan tushuntirib oʼtildi. Yigʼilishni tashkil etishning asosiy sababi, qogʼoz qalamsiz yuzma yuz siz talaba-yoshlar bilan gaplashish, muammolarni aytib eshitishdan iborat. Muloqotni interaktiv tarzda oʼtkazsak maqsadga muvofiq boʼlar edi. Muhtaram Prezidentimiz ham Oʼzbekiston Respublikasi Bosh prokuroriga ham uch sohani korrupsiyadan holi qilishda maʼlum topshiriqlar berib oʼtdilar. Bu oliy taʼlim sohasi, tibbiyot sohasi hamda qurilish sohasidir. Bu albatta bejiz emas, bu uch sohadagi korrupsiya holati inqirozini biz ertaga qaytara olmaymiz. Bu holatda kelajak avlod ilmsiz, oqsaydigan, mustaqil fikrlay olmaydigan, shaxsiy manfaatlarini ustun qoʼyadigan boʼlib qolishi ehtimoldan xoli emas.Taklif: Korruptsiya holatlari avj olayotgan bir paytda korrupsiya holatlari haqida xabar berish tartibini soddalashtirish, uning oldini olish olish uchun maxsus dastur yoki portal tashkil etish, korrupsiya holatlari boʼyicha anonim murojaatlarni yoʼlga qoʼyish maqsadga muvofiq boʼlar edi.Javob: Bu borada takliflar inobatga olinadi. Tegishli qarorlar ishlab chiqilishida takliflar beriladi.Savol: Taʼlim sohasidagi rahbarlarni maʼlum bir muddatga saylab boʼladimi? Chunki ayrim rahbarlarning yillab rahbarlik qilishi mahalliychilik hamda korrupsiya holatlarining koʼpayishiga olib kelmaydimi?Javob: Birgina huquq-tartibot organlarining saʼy harakatlari bilan bu narsaga erishib boʼlmaydi. Bunda xalq, jamiyat ham hamkor boʼlsa natijaga erishib boʼladi. Bunda albatta, avvalo talaba oʼziga xos bilimlarni oʼz vaqtida egallab borishi, fanlarni oʼzlashtirishi korruptsiyaning oldini olishda yordam beradi.Savol: Biz universitetni bitirishimiz bilan ish bilan taʼminlanishimiz majburiymi?Javob: Аlbatta, siz bitirgan yoʼnalishingiz boʼyicha hech qanday toʼsiqlarsiz ishga qabul qilinasiz. Davlat oʼz fuqarolarini ish bilan taʼminlashga majbur. Bundan tashqari oxirgi bosqichlarda 3 tomonlama shartnoma imzolanadi. Shu asosda ish bilan taʼminlashga erishiladi.Uchrashuv savol-javoblar asosida qizgʼin ruhda oʼtkazildi.Yoshlar bilan ishlash, ma'naviyat va ma'rifatbo‘limi uslubshunosi Sh.E.Radjabova Buxoro davlat universiteti Matbuot kotibiOtabek Jalolov
