Joriy yilning 6-fevral kuni Buxoro davlat universitetining Filologiya fakulteti talabalari ishtirokida "Asrlardan ustun, avlodlarga ibrat alloma" mavzusida Hazrat Mir Alisher Navoiy tavalludining 579 yilligiga bag'ishlangan nafosat g'azaliyot kechasi o'tkazildi. Ustoz Navoiyga ehtirom tadbirini Yoshlar bilan ishlash bo’yicha prorektor A.M. Kadirov kirish so'zi bilan ochib berib, universitet rektori tomonidan yo'llangan tabrik nutqini o'qib eshittirdi.Tadbirdagi ilk chiqishni Buxoro shahridagi 32-maktab mehribonlik uyi tarbiyalanuvchilari boshlab berishdi. Filologiya fakultetida tahsil olib kelayotgan talaba yoshlari tomonidan A.Navoiyning buyuk me`rosi g'azallari, buyuk zot ehtiromiga bag'ishlangan kuy-qo'shiqlar namoyish etildi. Tadbirning bosh syujeti A.Navoiyning "Lison-ut tayr" asari voqelari asosida 30 qush timsolidagi sahna tashkil etdi. A.Navoiy obrazini Filologiya fakulteti o'zbek tili va adabiyoti yo'nalishi talabasi Umarov Murod gavdalantirdi.G'azaliyot kechasidagi navbatdagi so'zni Filologiya fanlari dotsenti Shavkat Hayitov davom ettirib, o'z nutqida A.Navoiy asarlarining bosh tamoyili hisoblanmish ota-o'g'il munosabatini keng ma'noda bugungi hayot misolida o'tirganlarga izohlab berdi. -A.Navoiy o'g'illaridan birinchisi o'sha afsonaviy "Farhod" timsoli bo'lsa, ikkinchisi Badiuzzamon Mirzodir. Navoiy buyuk va pokiza zot. Nomi bosh harflar bilan yozilishga loyiq shaxs, deya ta'kidladi Filologiya fakulteti dotsenti Sh.Ahmedov.Tadbir boshlovchilari tomonidan buyuk ustoz haqidagi Abdurahmon Jomiy, Xondamirning qimmatli fikrlari o'qib eshittirildi. Umumiy qilib aytganda, tashkil qilingan ushbu tadbir Filologiya fakultetining chin ma'nodagi bayrami bo'ldi desak mubolag'a bo'lmaydi. Yakuniy so'z filologiya fakulteti dekani D.Z.Rajabovdan tinglandi. A.Navoiy ehtiromiga bag'ishlab, bir necha yil oldin o'zbek teatrida A.Navoiy obrazini yaratgan Afzal Rafiqovning obraz yaratishdagi qudratini eslatib o'tdi. Talabalarning keyingi o'qishlariga omad tilangan holda tadbir yakunlandi.Buxoro davlat universiteti Filologiya fakulteti o'zbek tili va adabiyoti yo'nalishi 1-bosqich talabasi Marjona TeshayevaBuxoro davlat universiteti Matbuot kotibi Otabek Jalolov
