Buxoro davlat universiteti talabalar turar joyida O'zbek adabiyoti kafedrasining "Kafedra kunlari" tadbirlari o'tkazildi. Nogironlarni himoya qilish kuni munosabati bilan barcha fakultetlarning nogiron talabalari ishtirokida madaniy tadbir o'tkazildi. Filologiya fakulteti talabalari ham faol ishtirok etishdi.TTJ ma'naviyat xonalarida O'zbekiston Respublikasi Konstitutsiyasi qabul qilingan kun munosabati bilan "Qomusimiz-baxtimiz" mavzusida, yurtboshimiz ilgari surgan 5 ta tashabbus doirasida kitobxonlik tadbiri, internet va uyali aloqadan foydalanish madaniyati mavzularida davra suhbatlari bo'lib o'tdi. Kafedra professor-o'qituvchilari talaba-qizlar bilan "Ayol borki, olam munavvar" mavzusi doirasida dildan suhbat qurishdi. Ayol kishining oiladagi, jamiyatdagi o'rni to'g'risida ibratli fikrlar, hikoyalar aytishdi. Kafedra kunlari tadbirlari yuqori saviyada tashkil etildi.