2019-yil 25-noyabr kuni Buxoro davlat universiteti rektori O.X. Xamidov universitetda bokschi yoshlar bilan uchrashuv o'tkazdi. Uchrashuvda Jismoniy madaniyat fakulteti talabalari, sport ustalari va yoshlar ishtirok etdilar.BuxDU kichik majlislar zalida bo`lib o`tgan uchrashuvni universitet rektori O.X. Xamidov nutq bilan boshlab berdi. Rektor o`z so`zida, hozirda sportchilarimizga Prezidentimiz tomonidan yaratilgan imkoniyatlar, ayniqsa oliy ta`lim sohasida berilgan imtiyoz haqida gapirib o`tdilar. Shuningdek, joriy yilning 10-17 noyabr kunlari Mo`g`uliston poytaxti Ulan-Batorda bo`lib o`tgan boks bo`yicha yoshlar o`rtasida Osiyo chempionatida oltin medal bilan taqdirlangan Suhrob Qayimovning yutuqlari alohida ta`kidlandi.Binobarin, bokschilarning erishgan yutuqlari bevosita murabbiylari, o`qituvchilarining va albatta tinimsiz o`talgan mashg`ulotlar samarasi ekanligi ham aytib o`tildi. O`z tengdoshining yutug`I va yoshlarimizga qaratilayotgan e`tibor xususida fakultetning bir guruh faol yoshlari o`z fikrlarini bildirdilar. Uchrashuv davomida, rektor sohadagi muammolar, kamchiliklar va kelajakdagi maqsadlar to`g`risida ko`rsatmalar berib o`tib, bokschilarni mashhur boks afsonasi Muhammadali kabi abjir, yengilmas va irodali bo`lishini tilab qoldi. Muxtasar qilib aytganda, o`zbek boks maktabi bugungi kunda dunyoning ilg`or maktablari shohsupasiga ko`tarilgani bevosita yurtboshimizning sportga qaratilayotgan g`amxo`rliklari samarasi hisoblanadi. Zero, hech bir soha mamlakatni sportchalik tanita olamaydi.Buxoro davlat universiteti Matbuot kotibi Otabek Jalolov