2019 yil 15 noyabr kuni magistraturaning iqtisodiyot (tarmoqlar va sohalar) yo`nalishi 5A230102-2019 guruh talabalari "OK Buxoro Shuxrat savdo" ga tashrif buyurdilar.“Real sektornidavlat tomonidan tartibga solinishi” fanidan Iqtisodiyot kafedrasi dotsenti F. M. Raxmatullaeva «Iqtisodiy islohotlar va real sektorni davlat tomonidan tartibga solish mexanizmining shakllanishi» mavzusiga doir nazariy ma`lumotlarni amaliyotdagi holati bilan tanishtirdilar.Bunda talabalar "Buxoro Shuxrat savdo OK" da Xususiy biznes va tadbirkorlikning davlat tomonidan qo’llab-quvvatlanishi, korxonalarni modernizasiya qilish, texnik va texnologik qayta jihozlashni yanada jadallashtirish, zamonaviy, moslashuvchan texnologiyalarni keng joriy etish, iqtisodiyotda real sektor korxonalarini qo’llab-quvvatlashning asosiy yo’nalishlari sifatida mahsulot tannarxini pasaytirish, eksportyor korxonalarga soliqlar bo’yicha imtiyozlar berish, qat’iy tejamkorlik tizimini joriy etish, xo’jalik yurituvchi subyektlar zimmasidagi soliq yukini kamaytirish va bu orqali ular faoliyatini rag’batlantirish bilan yaqindan tanishdilar. Magistrantlar dars davomida korxona faoliyati samaradorligini oshirish yo‘llarini o`rganib, malaka va ko`nikmalarini oshirdilar.