Oʼzbekiston Respublikasi oliy taʼlim muassasalari talabalari oʼrtasida oʼtkaziladigan “Yil talabasi-2019” tanlovi Buxoro davlat universitetida ham bo`lib o`tdi. Davlat va jamiyat boshqaruvida, umuman, barcha soha rivojida salohiyatli, isteʼdodli, iqtidorli, qobiliyatli yoshlar muhim oʼrin tutadi. Buning asosiy sababi ular jamiyat uchun “yangi qon” vazifasini oʼtaydi. Yangidan-yangi tashabbus-gʼoyalarni ilgari surish, zamonaviy ish yuritish uslublarini joriy qilishda ana shu qatlamning nuqtai nazari va saʼy-harakatlari alohida ahamiyat kasb etadi. Shuning uchun ham bugungi kunda yurtboshimiz yoshlar kelajagi, ularning hayot tarzi, bilim olish sharoitlari, yurtimizda zamonaviy bilim va koʼnikmalarga ega, mamlakatning munosib kelajagi uchun javobgarlikni oʼz zimmasiga ola biladigan, intiluvchan va sergʼayrat yoshlarni tarbiyalashga alohida eʼtibor qaratmoqda. Kuni kecha Buxoro davlat universitetida Oʼzbekiston Respublikasi oliy taʼlim muassasalari talabalari oʼrtasida oʼtkaziladigan “Yil talabasi-2019” tanlovi oʼtkazildi. “Yil talabasi-2019” Respublika tanlovi universitetda yuqori saviyada oʼtkazilib, barcha fakultetlardan eng sara ishlar tanlovda ishtirok etdi. Mazkur tanlovning “Yilning oʼz mutaxassisligi boʼyicha eng bilimdon talabasi” nominatsiyasida 17 nafar, “Yilning eng faol tashabbuskor- targʼibotchi talabasi” nominatsiyasida 12 nafar, “Yilning eng faol sportchi talabasi” nominatsiyasi boʼyicha 6 nafar, “Yilning eng faol bloger talabasi” nominatsiyasi boʼyicha 7 nafar, “Yilning eng faol ixtirochi-innovator talabasi” nominatsiyasi boʼyicha 4 nafar, “Yilning eng faol ijodkor talabasi” nominatsiyasi boʼyicha 12 nafar, “Yilning eng namunali tadbirkor talabasi” nominatsiyasi boʼyicha 4 nafar talabalar universitet bosqichida ishtirok etdi. Jami universitet bosqichida 62 nafar talaba ishtirok etdi. Universitet bosqichida ishtirok etgan talabalarning hujjatlari “Yil talabasi-2019” Respublika tanlovi Nizomiga muvofiq koʼrib chiqish maqsadida shakllantirilgan Hakamlar hayʼati tomonidan ishlab chiqilgan baholash mezoni asosida quyidagi tarkibda oʼrinlar belgilandi:1.“Yilning oʼz mutaxassisligi boʼyicha eng bilimdon talabasi” nominatsiyasi boʼyicha 1-oʼrinni Pedagogika fakulteti Pedagogika va psixologiya taʼlim yoʼnalishi 4-bosqich talabasi - Xotamova Dildora, 2-oʼrinni Fizika-matematika fakulteti 3-kurs talabasi- Neʼmatova Shoxida, 3-oʼrinni Sanʼatshunoslik fakulteti Musiqa taʼlim yoʼnalishi 3-kurs talabasi- Naimova Munisa egalladi.2.“Yilning eng faol tashabbuskor- targʼibotchi talabasi” nominatsiyasi boʼyicha 1-oʼrinni Tarix va madaniy meros fakulteti 2 bosqich talabasi -Kamiljanov Muxammadjon, 2-oʼrinni Maktabgacha va boshlangʼich taʼlim fakulteti 2 bosqich talabasi - Bekova Marjona, 3-oʼrinni Harbiy taʼlim fakulteti 3-bosqich talabasi - Junaydulloev Mels egalladi 3.“Yilning eng faol ixtirochi-innovator talabasi”nominatsiyasi boʼyicha 1-oʼrinni Tabiiy fanlar fakulteti 4-bosqich talabasi - Haydarova Hulkar, 2-oʼrinni Sanʼatshunoslik fakulteti 3-1 АSK-16 guruh talabasi -Olimova Mavluda egalladi. 4.“Yilning eng faol sportchi talabasi” nominatsiyasi boʼyicha 1-oʼrinni Jismoniy madaniyat fakulteti 3-bosqich talabasi Аdizova Sabina, 2-oʼrinni Jismoniy madaniyat fakulteti 3 bosqich talabasi Аdizova Kamilla5.“Yilning eng faol bloger talabasi” nominatsiyasi boʼyicha 1-oʼrinni Maktabgacha va boshlangʼich taʼlim fakulteti 4 bosqich talabasi - Xalilova Shaxlo, 2-oʼrinni Filologiya fakulteti 2 bosqich talabasi-Mavlonova Zulfizar egalladi. 6. “Yilning eng namunali tadbirkor talabasi”nominatsiyasi boʼyicha 1-oʼrinni Tabiiy fanlar fakulteti 3 bosqich talabasi Аnvarova Zarina egalladi.7.“Yilning eng faol ijodkor talabasi” nominatsiyasi boʼyicha 1-oʼrinni Sanʼatshunoslik fakulteti 3-1TS-18 guruhi talabasi - Shokirov Sheroz, 2-oʼrinni Sanʼatshunoslik fakulteti 3-1 TS-18 guruh talabasi Umedov Shaxzod egalladi. Respublika bosqichida ishtirok etadigan talabalarga omad tilab, mamlakatimizda yoshlarga oid olib borilayotgan bunday tanlovlar, tadbirlar oxir-oqibatda aniq tashabbusi bor, yangi-yangi gʼoyalari bilan yurtimiz taraqqiyotiga hissa qoʼshishga tayyor yoshlarni yuzaga chiqarishi, shubhasizdir.